Rregulla martesore qe duhet të thyhen

Të gjithë ne, para se të lidhim martesën, nga nëna dhe gjyshja jonë kemi marrë këshilla për bashkëshortësi të mirë dhe të suksesshme. Por, a janë ato këshilla me të vërtetë të dobishme dhe a duhet në mënyrë të verbër t’i respektojmë?

Ja disa “rregulla martesore” për të cilat shumë revista për femra konsiderojnë se lirisht mund të thyhen.
Një nga këshillat që është e vjetër sa edhe vetë pyetja “a është e para veza apo pula”, është këshilla që mos të shkojmë të hidhëruara në krevat. Është e vërtetë se përderisa grindemi gjatë kohës kur na merr gjumi, kur jemi të lodhura ose nën stres, asgjë e mirë nuk mund të dalë nga ajo grindje. Nëse jeni në gjendje të dakordoheni se nuk dakordoheni dhe të shkoni në gjumë, e grindjen ta lini kur të jeni më të pushueshëm dhe me kokë të ftohtë.
Edhe sinqeriteti i njëqindpërqindtë nuk është gjithmonë opcioni më i mirë në martesë. Nuk duhet partnerit t’i rrëfeni sejcilin detaj nga lidhjet tuaja të mëparshme, sepse kjo kryesisht ngjall krahasime, ndërsa krahasimet nuk mund të sjellin asgjë të mirë.
Kur janë në pyetje pushimet, kryesisht rekomandohet që kohën e lirë ta kaloni njëri pranë tjetrit, por problemi mund të krijohet në atë moment kur ju dhe partneri juaj keni komplet kuptime të ndryshme për pushimin. Ju dëshironi të hulumtoni, ai dëshiron të qëndroni në një vend, ju dëshironi në mal, ai në det… Në këto raste ndoshta është mirë që nganjëherë në pushime të shkoni ndaras, sejcili në anën e vetë, por jo gjithmonë.
Një nga gabimet më të shpeshta të çifteve në martesë është ajo që lidhjen e tyre e anashkalojnë sapo arrijnë fëmijët në shtëpi. Nëse në disa raste e veni lidhjen tuaj në rend të parë para fëmijëve, nuk do të thotë se jeni prindër të këqinj, por përkundrazi. Nëse në rend të parë punoni në lidhjen tuaj, kjo nuk është mirë vetëm për ju, por edhe për fëmijët tuaj, sepse rritja me prindër që duhen dhe që mirëkuptohen është një bazament i shkëlqyeshëm për një jetë të lumtur.
“Asnjëherë mos flini në krevatë të ndarë” është ajo që poashtu e dëgjojmë nga ana e atyrë që kanë përvojë më të madhe në martesë. Por nëse partneri juaj gërrhet me të madhe, rrotullohet ose tërë natën shikon TV, derisa ju përpiqeni të fleni, ndoshta në këto raste është më mirë të fleni në krevatë të ndarë, por të mos lejoni që kjo t’ju ndikojë në jetën seksuale dhe afërsinë fizike.
Edhe për fund, nuk e keni patjetër që çdo çast ta kaloni së bashku. Ideale do të ishte opsioni që të kishit interesime të përbashkëta, por nëse burri juaj do të merret me automobila, ndërsa ju dëshironi më shumë të dilni në natyre – nuk duhet të humbisni kurajon për këtë gjë. Opsioni më i mirë është të shkoni dhe të bëni aktivitete të ndryshme, por poashtu të gjeni një të përbashkët.
Nuk ekzistojnë rregulla për martesë të lumtur, përshtatni sipas afiniteteve tuaja sepse çdo lidhje, si dhe çdo njeri, është e veçantë dhe e ndryshme.

Tetova News

Popular posts from this blog

Seksi: Kohëzgjatja ideale, 13 minuta

Mëngjesi pas herës së parë

Lidhjet në largësi: anët pozitive dhe negative