Pilula për seksin? Jo faleminderit!

Ndihma kimike e seksit, përjashto rastet e patologjisë erektile, është e rrezikshme, sepse e transformon performancën e kënaqësisë dhe krijon varësi
Një iluzion i rrezikshëm

Prej disa vitesh rreziku i të mosndierit të seksit të vërtetë me partneren po frikëson shumë meshkuj. Një ankth që shpesh është mbuluar me idenë e gjetjes në farmaci të produkteve të veçanta që mund të ringjallin një seksualitet gjithnjë e më të përgjumur. Të gjithë e dimë se ekzistojnë pilulat ndihmëse për seksin, të cilat në rast vështirësie largojnë frikën e dështimit dhe të ndihmojnë të kesh më shumë besim në vetvete. Por fatkeqësisht për të gjithë ata që nuk e dinë bëhet fjalë për një iluzion, pasi vetëvlerësimi nuk varet nga gjërat e jashtme, por nga perceptimi intim dhe i thellë se kush jemi ne.
Programimi vret erosin…
Nëse përdorimi i pilulave të dashurisë është i vlefshëm në rastet e patologjive të vërteta dhe mangësisë së dukshme, suksesi i tyre i madh ka nxitur një efekt anësor të padëshiruar: një lloj varësie, prandaj duket sikur pa ndihmën e këtyre ilaçeve nuk mund të përjetohet më një seksualitet i vërtetë. Shumë burra që nuk kanë asnjë problem fizik, kërkojnë te pilulat e dashurisë zgjidhjen për të pasur superfuqi dhe nuk e kuptojnë se superfuqia nuk gjendet në një pilulë, por në fantazinë e tyre. Kështu ndihma nuk kërkohet vetëm për të zgjidhur problemet e vërteta, por për të rritur dëshirën ose për të shtuar dëshirën.
Kimia e dashurisë nuk duhet të bazohet te molekulat e sintetizuara në laborator, por tek aromat, kontakti i lëkurës dhe mbi të gjitha te emocionet dhe fantazitë. Përveç të tjerash edhe kostoja e përdorimit të pilulës blu është e lartë: varësia ndaj saj sjell një humbje të spontanitetit. Duke e marrë vazhdimisht mund të arrini në një situatë paradoksale ku siç fiksoni takimet e ndryshme, do t’ju duhet të programoni edhe seksin, duke shpenzuar shumë para për një kokërr.
Performanca shuan emocionet
Pas kësaj intimiteti përjetohet si përfitim, seksi fillon të përcaktohet dhe të vlerësohet në bazë të kohëzgjatjes, duke harruar pjesën magjike të nxitur nga emocionet dhe lidhja sentimentale. Edhe për femrat, situata nuk ndryshon shumë. Shpeshherë edhe ato e lënë veten në dorë të “pilulës së Borëbardhës” që mund të shkaktojë orgazëm përmes elektrodave të vendosura në shtyllën kurrizore. Pra, sot nuk mund të flasim më për një seks natyror, por për seks kimik dhe teknologjik. Në një shoqëri që nuk pranon të metat, pilulat blu mund t’ju sigurojnë një seks të paharrueshëm, por me një çmim të lartë: humbjen e përmasave autentike, romantike dhe fantastike të seksit.
Hamendësimet
Burrat që janë nën moshën 45-vjeçare i lidhin problemet e tyre seksuale me lodhjen dhe stresin, ndërsa ata mbi 45 vjeç i atribuojnë një vend më të veçantë plakjes dhe disa sëmundjeve si hipertensioni, problemeve të prostatës, ose shqetësimeve kardiovaskulare. Impotenca është një patologji që në fakt duhet të mbahet nën vëzhgim dhe të veprohet në momentin e duhur. 94% e meshkujve pohon se do t’i drejtohej mjekut nëse do t’i shfaqeshin të tilla shqetësime, ndërkohë që prej tyre vetëm 3% do të merrte menjëherë pilulën e dashurisë. Faktorët që i shtyjnë pjesën më të madhe të meshkujve të konsultohen me mjekun janë ndërhyrja e partneres ose fakti që problemi preket nga vetë doktori, përmes fushatave informuese televizive dhe artikujve mjekësorë. Në mungesë të përshkrimeve të veçanta, 59% e meshkujve nuk merr ndonjë masë të veçantë. Megjithatë, kjo përqindje nuk është aq shqetësuese sa përqindja e lartë e meshkujve që pavarësisht se kanë probleme nuk i drejtohen mjekut.

Pas tradhtisë, a mund të falim sërish?

Nëse tradhtia “vesh” çiftin dhe bëni një vesh shurdh e një sy qorr, pra duke dalë jashtë natyrës suaj, rrezikoni që ta dëmtoni edhe më shumë lidhjen, duke e shndërruar në një kalvar vuajtjesh


Fjala falje është një nga më të ndërlikuarat për t’u interpretuar dhe mbi të gjitha për t’u jetuar. Në aspektin psikologjik është shumë delikate, gjendet në thellësinë tonë, është e veçantë dhe mjaft subjektive. Prandaj të flasësh për të është vërtet e ndërlikuar. Natyrisht që të falësh nuk do të thotë të durosh, gjë që ndodh rëndom kur një tradhti nga ana e partnerit plagos thellësisht vetë personin dhe lidhjen sentimentale. Përballë një ngjarjeje të këtij lloji mund të ketë reagime shumë të ndryshme, por nëse personi i tradhtuar vendos të mos e ndërpresë marrëdhënien dhe të qëndrojë sërish me tjetrin, duhet të arrijë të gjejë mënyrën e duhur për ta menaxhuar situatën. Përndryshe rreziku pas tradhtisë do të ishte ai i një vuajtjeje të madhe, që me kalimin e kohës mund ta ndryshojë thellësisht marrëdhënien, duke e mbyllur e duke e shtyrë drejt sjelljeve që në gjendje normale nuk do të ishin bërë kurrë.
Tradhtia nuk mund të durohet duke u shtirur sikur s’ka ndodhur gjë
Nëse nuk keni mentalitetin “nuk ka gjë, le të shkojë dhe kjo” – dhe është e logjikshme, sepse çdo njeri e jeton dhe e koncepton dashurinë sipas mënyrës së vet – atëherë ju nuk duhet të përpiqeni të duroni lodhjen e tradhtisë, duke u sjellë në mënyrë të panatyrshme dhe duke mbytur veten. Duke qëndruar bashkë, duke u shtirur sikur nuk ka ndodhur asgjë, rrezikoni jo vetëm që ta thelloni ndarjen, por ta shndërroni marrëdhënien në një lloj “kalvari”. Gjëja më e mirë është që ta shikoni tradhtinë në të njëjtën mënyrë që shihet një simptomë, ose si diçka që jep një shenjë, ndoshta jo menjëherë, por të dallueshme nëse i kushtoni rëndësi. Një simptomë që në fakt nuk duhet duruar, por kuruar në qoftë se është e mundur dhe shpeshherë kura arrihet përmes procesit të ndryshimit.


Falja e rreme
Nëse një person beson se e ka falur aventurën e partnerit dhe pastaj fillon të hetojë rreth tij, duke kontrolluar të gjitha veprimet që bën, lëvizjet dhe çdo aspekt të jetës së tij me shpresën/frikën e gjetjes së ndonjë shenje, atëherë kjo do të thotë se falja është vetëm sipërfaqësore, se tradhtia nuk është pranuar dhe se nuk ka qenë e mundur të kthesh faqe: personi i tradhtuar nuk vazhdon të mos e lexojë realitetin e çiftit rrotullues, vështirësitë që kjo sjell me vete dhe shenjën e lënë nga tradhtia. Për më tepër besimi te partneri mungon, duke bërë kështu që të humbasë edhe mundësia e dialogut të vërtetë dhe frytdhënës. Partnerja mendon se ai vazhdon të ketë aventura të tjera dhe krijon iluzione duke menduar se mund t’i parandalojë duke e kontrolluar, që në fakt mund të shmanget në çdo kohë. E gjithë kjo, përveç se është e dhimbshme, është gjithmonë e dëmshme, për shkak se krijon një klimë tensionuese, dyshime dhe hamendësime që pengojnë jetën e çiftit.
Ndryshoni gjendjen duke filluar nga vetja
Në fakt, personi i tradhtuar, në vend që t’i kushtojë kaq shumë energji dhe vëmendje partnerit, mund të fokusohet te vetja; në vend që të ushtrojë kontroll mbi jetën e shokut, mund t’i vërë vetes qëllim që “t’i dëgjojnë” më mirë ndjenjat dhe emocionet, duke shmangur tradhtinë, që më e keqja është ajo ndaj vetes. Vetëm kështu mund t’i jepni më shumë kuptim jetës dhe të shëroni besimin (duke përfshirë këtu edhe aftësinë për të dashur), dhe do të jeni më të vendosur për të zgjidhur në një mënyrë ose në një tjetër gjërat tuaja, një krizë që ju prek më nga afër. Kjo është e vetmja mënyrë për të gjetur qetësinë, për të vendosur më mirë, për të ribalancuar marrëdhëniet duke gjetur një ekuilibër të ri; me fjalë të tjera, kjo është rruga e vetme për ta falur vërtet tradhtinë dhe për të zgjedhur nëse doni apo jo ta vazhdoni lidhjen.

Pesë gabime që femrat i bëjnë gjatë bisedës me partnerin

Gabimet që bëjnë çiftet gjatë komunikimit, kur fillojnë zënkat dhe debatet




Ju dhe partneri juaj mendoni se e njihni shumë mirë njëri tjetrin, se nuk keqkuptoni ose nuk keqkuptoheni gjatë bisedave, por e vërteta është se as ato lidhje që njihen si “të qëndrueshme” nuk duhet ta mospërfillin këtë problem. Shumë çifte bëjnë gabime gjatë komunikimit, madje shumë nga ato mbarojnë në një zënkë që më vonë do të prekë emocionalisht njërin nga protagonistët. Njëri do të ndihet fitimtar mirëpo tjetri do të ndjejë një zbehje të asaj lidhjeje. Për t’ju shmangur problemeve, nuk duhet t’i injoroni, janë 5 gabime që shumica e femrave i kanë të përbashkëta, a jeni ju një nga ato. Mbase. Pra kujdes, ai nuk është shoqja jote, ai nuk i kupton ato që nuk ia thua dhe i kupton vetëm gjysmën e atyre që ia thua. Kush ka thënë se vetëm femrat janë të komplikuara. Ja pesë gabimet.

Fshehja e detajeve

Është gabimi kyç që bën një femër derisa i tregon partnerit te saj se të shtunën mbrëma do të dalë me shoqe. Ajo nuk përmend hollësitë ku, kur dhe saktësisht me kë. Përderisa për një femër është e rëndësishme të dijë të gjitha hollësitë, është shumë normale që edhe mashkulli të kërkojë një gjë të tillë. Pa panik, pa u nervozuar dhe pa e akuzuar për mosbesim, në mënyrën më të afërt tregoji gjithçka. Ai do të ndihët i qetë, përderisa t’i do të jesh rehat, pa pasur nevojë ta telefonosh çdo orë.

Koha e gabuar

Të gjitha femrat duhet të dinë se është gati e pamundur të debatosh, përderisa ai është duke shikuar televizor. Dhe pas këtij gabimi që s’kapërdihet, menjëherë vjen tjetri, mendimi se ai i jep më shumë rëndësi televizorit. A e keni ditur se, ata nuk përqendrohen dot në disa gjëra njëkohësisht. Atë mund ta pyesësh për çfarë do, dhe ai përgjigjet me “ëhë” që do të thotë se një pjesë e trurit të tij është përqendruar në TV, pjesa tjetër është në gjumë. T’i mund të flasësh tërë ditën, e ai “ëhë … ëhë”. Nga ana tjetër, meshkujt shfrytëzojnë çastet kur ajo është duke u përgatitur për punë, duke lexuar revistën e saj të preferuar, saktësisht, kur ajo është e preokupuar me diçka tjetër. Ai e bën këtë qëllimisht ngase ai nuk ndihet mirë gjatë bisedave të gjata dhe të thella pra gjen kohën “e përshtatshme” kur ajo nuk mund të përqendrohet në atë bisedë.

Fjalitë që fillojnë me “Kam një lajm të keq”

Kur ajo do të tregojë diçka që partnerit ndoshta nuk do t’i pëlqejë, fjalinë e fillon me “Kam një lajm të keq” edhe nëse fjala është për diçka shumë të thjeshtë, ai do të reagojë më ashpër. Problemi qëndron te mënyra e gabuar e të shprehurit, në këtë rast. Ai asnjëherë nuk përgatit fjalim, por i “bie shkurt” futet drejt në temë dhe thotë atë që ka për të thënë, këtë e pret edhe nga ajo. Në situata të tilla më mirë është të futesh direkt ne temë sesa të flasësh gjepura derisa të thuash diçka që ai ta kuptojë.

Papritur biseda kthehet në monolog

Ajo është duke treguar historinë e shoqes së saj që është ndarë nga i dashuri, dhe ai ka shtypur butonin MUTE. Problemi qëndron këtu: Atyre nuk u pëlqejnë hollësitë. Nuk duan të dinë detajet e ndarjes. Në disa raste ata nuk interesohen për diçka që nuk ka të bëjë me ta personalisht. Nëse nuk do të përfundosh duke e shkundur atë për t’ia tërhequr vëmendjen, gjatë bisedës bëj ndonjë pyetje dhe ai do te kthehet sërish në TOKË. Ai e ka më të lehtë të shpërqendrohet derisa flet vetëm ajo, sesa kur ka të bëjë me pyetje provokative.

Mos provo të zbulosh më të fshehtat

Femrat pyesin për çdo gjë. Sinqeriteti është veti e mirë, mirëpo janë disa gjëra që ndoshta partneri juaj nuk ka nevojë ti dijë. Ajo nuk ka nevojë ta dijë se atij nuk i duket më e bukura në botë, nuk duhet ta dijë nëse ai shikon revistat me femra nudo. Ai është më mirë të mos e dijë nëse ajo ka kriza xhelozie që mundohet t’i fshehë dhe mund të jetojë edhe pa e ditur se ajo ka një numër dyshifror të lidhjeve nga e kaluara. Disa gjëra është më mirë të mbeten të fshehta, ashtu që ajo është e vetmja në botë për të, ai asnjëherë nuk ka shfletuar revistën “Playboy”, ajo nuk është xheloze dhe ka pasur vetëm një lidhje të dështuar. Mos pyet asnjëherë për të gjitha ato imtësi që nuk ja vlen as të përmenden, përndryshe do të fitosh bindje tjetër nga ajo që ke pasur për partnerin.
8 gjestet flasin për ndjenjat dhe mendimet e meshkujve
Gjestet shpeshherë zbulojnë mendimet që nuk shprehen me fjalë, prandaj në vazhdim do të gjeni tetë nga gjestet kryesore që shfaqin ndjenjat dhe mendimet e meshkujve.
1. Gjatë takimeve me njerëz që u pëlqejnë apo nuk u pëlqejnë, meshkujt instinktivisht ngrenë ose mbledhin vetullat. Në rast se njeriu që takojnë u duket interesant, simpatik, ata i ngrenë paksa vetullat, ndërsa në të kundërtën, i mbledhin duke krijuar rrudha të lehta në ballë.
2. Kur një burrë, pasi takohet me dikë, e mban gojën të hapur paksa, bashkëbiseduesi/ja paraqet interes për të.
3. Nëse ka interes apo jo për dikë, kjo duket qartë në fytyrën e mashkullit. Veç dy shenjave të sipërpërmendura, ai do të buzëqeshë dhe sytë e tij do të rrezatojnë.
4. Nëse mashkullit i pëlqen një femër, ai fare instinktivisht do të shkojë dorën mbi flokë, madje e përsërit këtë gjest disa here.
5. Në rast se një femër nis të flasë dhe mashkulli e dëgjon me vetulla paksa të ngritura, ky gjest tregon se atij i pëlqen ajo femër. Në rast se mashkulli shikon “normalisht”, nuk i lëviz fare vetullat, vështrimi është disi indiferent, kjo do të thotë se atij nuk i pëlqen as ti, as ajo çka i thua.
6. Në rast se jeni ulur dhe mashkulli papritmas fillon të rregullojë çorapet e veta, kjo do të thotë se ai është mjaft i emocionuar e dëshiron të duket sa më i mirë para teje. Dhe kjo, sepse ti atij i pëlqen..
7. Në rast se një mashkull e lëviz vështrimin, si i thonë, nga koka te këmbët dhe kundron figurën tënde, kjo do të thotë se ti i pëlqen, se ai e ka vlerësuar figurën tënde dhe shikon te ti një partner të mundshëm seksual.
8. Në rast se një mashkull fillon të lavdërohet për “meritat” e tij, për aftësitë e tij, pamjen e tij të jashtme, edhe pse hera-herës mund të duket qesharak, kjo do të thotë se ai dëshiron të tregohet i denjë për ty, të “thotë” se është i bukur e i aftë dhe të përshtatet. Pra, ti atij i pëlqen.

8 marifetet që japin ekspertët për të bërë xheloz partnerin


Hija e një personi “të tretë” është nga pikëpamja strategjike perfekte. Është tjetri që nuk ekziston. Që mund ta kujtosh kur të duhet, dhe ta eliminosh kur nuk të duhet më. Është ideale, sepse është inekzistente. Është i dashuri që nuk ekziston, por që të lejon të luash lojën e përjetshme të një shansi tjetër. Në lidhje me këto ekspertët japin për gratë franceze tetë marifete për ta bërë xheloz partnerin.
1- Flisni me admirim me burrin tuaj për një kolegun tuaj.
2- Kërkoni një herë një kolegut tuaj t’ju shoqërojë në shtëpi
3- Nëse burri juaj ju telefonon në zyrë, i thoni të tjerëve se nuk jeni aty
4- Nëse punoni në shtëpi lini të përgjigjet sekretaria telefonike(edhe kur jeni aty) dhe ndryshoni parfumin nëse këtë ua ka dhuruar burri juaj.
5- Buzëqeshini burrave të tjerë kur jeni në restorant
6- Shkoni në kinema pa i thënë burrit tuaj dhe lini aty-këtu si “rastësisht”  biletën e kinemasë.
7- Mos e kapni telefonin sapo të bjerë zilja sikur të prisnit ndonjë telefonatë.
8- Dhe në fund një marifet i veçantë: bëni t’ju vijë në adresën tuaj një tufë trëndafilash të kua, shenjë e padiskutueshme e pranisë së një simpatizanti.

A është xhelozi strategjike edhe ajo e atyre grave që zbukurohen për të rifituar burrin? Një prerje flokësh, të brendshme më seksi më ngacmuese dhe veshje të stolisura.

Gratë nuk ndjehen në faj kur tradhtojnë

Sondazhet thonë se “tradhtia quhet femër” dhe fjalët “breje e ndërgjegjes” apo “ndjenja faji” janë zhdukur pothuajse nga leksiku erotik femëror. Arsyeja duhet kërkuar te fakti se shumë paragjykime dhe frikëra nuk ekzistojnë më. Gratë e sotme janë më të ndërgjegjshme e më të guximshme, nuk duan më t’i nënshtrohen një martese gri, i lejojnë vetes të drejtën e të pëlqyerit, të rrahjes së zemrës, të erotizmit. Në çdo rast, fenomeni është në rritje. E pohojnë sondazhet si ky i fundit i “New York Post” sipas të cilit 9 gra në 10, mes atyre e tradhtojnë burrin, kanë deklaruar se nuk kanë asnjë ndjenjë faji… Nëse janë gjithnjë e më shumë gratë që e tradhtojnë burrin e tyre pa u penduar, përkundrazi me një ndjenjë falënderimi për çfarë jeta ka mundësi t’u ofrojë akoma, për ç’ka fati arrin akoma t’i mrekullojë, cila është gjendja e çiftit sot…?

Besnikëria është vetëm një mit

Sipas Laura Laurenci besnikëria është vetëm një konvencion shoqëror, sepse monogamia është vetëm një mit. Pikërisht këtë mbështesin disa psikologë: nëse në natyrë poligamia është normë dhe monogamia është përjashtim si është e mundur që qytetërimi perëndimor dhe kristian ka privilegjuar këtë të fundit duke i vënë një ndalim instinktit? Por disa studiues të tjerë argumentojnë: më e rëndësishme se shkelja e kurorës është mosbesnikëria, që do të thotë tradhti e një marrëveshjeje të nënkuptuar dhe të qartë në brendësi të çiftit. Ajo që minohet këtu është para së gjithash intimiteti, ndarja e eksperiencës dhe e këndvështrimit të realitetit. “Përse të rrezikosh aq shumë për aq pak?”-pyet Pittman dhe përmbys mënyrën tradicionale të marrjes në konsideratë të tradhtisë. Në fakt, ndërsa në përgjithësi mendohet se tradhtia lind nga një marrëdhënie që nuk funksionon, Pittman përforcon se është marrëdhënia që nuk funksionon, që strukturoret mbi pabesinë.
Të ndjehesh i/e dëshiruar

Është e rëndësishme që të realizosh një mënyrë të veçantë të prekuri, që asaj t’i pëlqejë dhe ta bëjë të ndihet mirë. Por këto lëvizje nuk duhet të përsëriten shpesh mekanikisht, sepse bëhen monotone. Dhe këto ndjesi një femre i duhen falur, jo vetëm gjatë një raporti, por edhe në momente të ndryshme, në mënyrë që ajo të ndjehet vazhdimisht e dëshiruar nga partneri. Një puthje e lehtë, një fjalë e ngrohtë, përkujdesja në momentin e duhur, vlejnë për të krijuar një atmosferë të përshtatshme shpirtërore të femrës gjate marrëdhënies. Prandaj partneri më i mirë është ai që gjithmonë vëzhgon, kërkon, eksploron teknika, pika të ndjeshme të partneres së tij, për të vepruar me to edhe në situatat e nxehta të jetës në çift. Mbi të gjitha gabimi i madh i meshkujve në disa raste, duket të jetë se ata shpesh nxitohen, harrojnë puthjet e përkëdheljet dhe nuk dedikohen ndaj pikave më të ndjeshme të njëri-tjetrit.
Puthjet dhe efekti

Duhet të bëhesh një puthës profesionist që ajo të mos ndihet e pasigurt të puthjet që jep. A do të vazhdosh të jesh në shkallën fillestarë apo do të bësh ai që ajo dëshiron? Asnjëherë mos harroni që puthja ka rolin kryesor në një marrëdhënie sentimentale. Nëse i dashuri ose e dashura juaj në momentin që puth thotë ‘Të dua”, kjo nuk do të thotë aspak se ai ose ajo di të puthë si një profesionist. Në fund të fundit, gjithçka në këtë proces, realizohet vetëm në sajë të lëvizjes së buzëve dhe jo të fjalëve. Roli i syve është mjaft i rëndësishëm kur puth dikë. Duhet t’i mbash mbyllur sytë apo duhet ta shohësh në sy, kjo është një dilemë e madhe. Jepi fillimisht një puthje të vogël njeriut të zemrës duke e vështruar thellë në sy dhe më pas harro vështrimin duke u fiksuar tek buzët dhe efekti do të jetë marramendës.
Rëndësia e komplimenteve

Për ta bërë të ndihet edhe më mirë njeriun e zemrës shtoni numrin e komplimenteve. Të njëjtën gjë duhet të merrni edhe nga partneri juaj. Por këtë duhet ta fitoni. Nëse nuk doni veten tuaj është e vështirë të besohet se mund t’u dashurojë dikush tjetër. Respekti ndaj vetes është shumë i rëndësishëm në një lidhje të fortë. Nëse e pëlqeni vërtet veten tuaj, veç defekteve dhe dobësive që keni, do të ndiheni të sigurt. Kur ndiheni i sigurt dhe me besim në vete, do të pëlqeni të rrini me partnerin për gëzimin që sjell në jetë tuaj dhe jo sepse keni nevojë për ta që të mbijetoni. Nëse keni pasur një eksperiencë negative në të shkuarën është e nevojshme të bisedoni për këtë me partnerin. Ai do t’u qëndrojë pranë dhe do t’u bëjë të harroni atë periudhë të vetes suaj, por gjithsesi mos harroni që edhe në këtë rast të vlerësoni veten tuaj. Nevoja fizike për ngrohtësi nuk ndryshon asnjëherë, kjo është e rëndësishme.