Sigurinë në jetë na e ofron vetëm burri


Kur arrijnë në moshën e pjekurisë, femrat kërkojnë më shumë mbështetje dhe siguri, që sipas një psikologu mund t‘ua ofrojë vetëm shoku i jetës

Sot, më shumë se kurrë, bashkëshortët dhe shokët janë bërë më të rëndësishëm se asnjëherë tjetër. Vetëm pak muaj më parë, pyetjes "se për çfarë na shërbejnë burrat", disa femra i përgjigjeshin duke kthyer sytë nga qielli, që ndryshe përkthehet: "Një Zot e di". Sot burri është një send i çmuar, i cili duhet ruajtur me shumë kujdes. Femrat që i lënë vetëm, do të gjejnë belanë, ose në të kundërt do të jenë mishërimi i asaj që thotë një psikolog i njohur: "Tabuja e fundit? Një grua e vetmuar është më keq se një fëmijë. Çdo mashkull do të dëshironte të arratisej prej saj".

Pra kjo është edhe një nga arsyet që femrat nxijnë nga inati. "Vetëm 8 për qind e tyre i braktisin bashkëshortët pas të 40-ve. Më shumë se gjysma e të intervistuarave thonë se nga mashkulli kërkojnë një gjë të vetme: sigurinë. Si në moshën 27-vjeçare, ashtu edhe në atë 37-vjeçare, femrat kanë gjithmonë nevojë për një shok. Sigurisht do të ishte mirë të zgjidhnin një tip të qeshur, që t‘u bënte gjithnjë shoqëri dhe të jetë një ‘bastun‘ për pleqërinë. Nëse femrat duan perfeksion, zgjedhja më e mirë për to do të ishte një bashkëshort homoseksual, i cili "vdes" për të bërë pazar dhe e adhuron femrën. Në Britaninë e Madhe kjo funksionon për mrekulli, por në disa vende të tjera të Europës ka ende paragjykime", thotë psikologu.

Diçka është e qartë: femrat nuk kërkojnë më mashkullin e duhur, "princin e kaltër", por atë që është pjesërisht i duhuri. "Femra duhet të dijë të kënaqet. Nëse dëshironi një bashkëshort të pasur, të zgjuar, i cili di të kërcejë tango dhe është shumë pasionant në shtrat, të jeni të sigurta se nuk ekziston", thotë një profesoreshë amerikane. Në këtë pikë edhe psikologu është dakord: "Nëse nuk dëshironi që të mbeteni vetëm, zgjidhni një shok që qëndron më poshtë jush, të paktën në një drejtim. Mund të ndiqni shembullin e Hilari Klinton, e cila nuk u nda nga Billi".

Në fund të fundit, meshkujt duhen edukuar. Në një libër të publikuar kohët e fundit, profesoresha amerikane shpjegon se si shokët tanë mund t‘i trajtojmë në një mënyrë më të thjeshtë. Ky libër ka qenë një sukses i vërtetë, madje mbi këtë temë do të prodhohet edhe një film, nga i cili femrat mund të nxjerrin shumë mësime: "Injorojini sjelljet negative të mashkullit: për shembull kur ju po lani pjatat dhe ai kërkon si i çmendur çelësat e makinës, mos i thoni ‘Zemër, do të dalin vetë‘; mos i ofroni ndihmë, por vazhdoni punën tuaj që keni në dorë", shkruan profesoresha. Kur një burrë kujdeset për gruan, veten dhe punët e shtëpisë, atëherë ai duhet admiruar dhe komplimentuar.

Duket një rrugë e gjatë, e vështirë dhe aspak romantike, por është gjithmonë e udhës që femra më mirë të bëhet një administruese e mirëfilltë e bashkëshortit, se sa në moshën 35-vjeçare të jetë e vetme, e veshur kokë e këmbë me të zeza, me një cigare në dorë, me barkun bosh dhe që orët e mbrëmjes i kalon me tri mikeshat e saj beqare në të njëjtin bar. Këtë fakt të rinjtë e kanë kuptuar dhe martohen sa më shpejt që të jetë e mundur.

"Faktikisht martesa është një zgjedhje e vetëdijshme, pikënisja e një historie të re. Sot gjërat kanë ndryshuar dhe gjithashtu vlerat e saj janë venitur paksa", pohon një 24-vjeçare, e cila pas pak ditësh do të vërë kurorë me njeriun që dashuron.

"Mendoj se është një kthim në origjinë, njësoj sikur brezi im dëshiron t‘i harrojë vitet ‘70. Fëmijët e prindërve të divorcuar dhe të rimartuar e marrin shumë seriozisht martesën. Unë besoj në të dhe më saktësisht dua t‘i jap emrin e duhur një marrëdhënieje bashkëjetese, që faktikisht mban emrin martesë. Moshat që e preferojnë më shumë martesën janë nga 25 deri në 35 vjeç. Në dhjetë vitet e fundit martesat janë ulur rreth 8 për qind, edhe pse 62 për qind nuk arrijnë në vitin e tretë. Shumë të tjerë e shohin si një master, një eksperiencë më shumë për t‘u shtuar në kurrikulum", shkruan një shkrimtare 33-vjeçare, që pas një bashkëjetese të gjatë ka vendosur të martohet.

"Një burrë i nevojitet çdo gruaje. Më parë do të hiqja dorë nga karriera, se sa nga martesa. Femrat mendojnë se mund t‘ia dalin mbanë vetë, të jenë të pavarura, por unë mendoj se është shumë e gabuar. Gjithmonë problemet mund të përballohen më me lehtësi kur çifti është i bashkuar", pohon një drejtuese televizioni.

Sipas profesoreshës, zgjidhja për të gjetur shpirtin binjak është një e vetme, madje shumë "borgjeze dhe konservatore": "Duhet t‘u kthehemi martesave me shkuesi, ato që kanë dominuar prej shekujsh, kur prindërit zgjidhnin një person të së njëjtës shtresë shoqërore, me të njëjtat shije, të njëjtin shkollim dhe edukim. Po në qoftë se nuk e dashuron? Dalëngadalë do të mësohesh ta duash.


Problemet e seksit në martesë


Keli 26 vjeç dhe Semi 30 vjeç kanë vetëm një javë që janë martuar, por seksualisht janë në telashe që tani. Kur u njohën para 1 viti kishin një aktivitet seksual shumë aktiv dhe padyshim me shumë epsh. Marrëdhënia e tyre filloi si një lidhje dashurie e ndaluar dhe ishte pasiononte dhe romantike në të njëjtën kohë. Por gjithçka ndryshoi papritur kur ata festuam përvjetorin e tyre të parë. Keli që atëherë vendosi në plan të dytë seksin, duke e lënë Semin gjithnjë të mërzitur dhe të irrituar. Kjo është ndikuar më shumë nga fakti se ajo është një bionde shumë e bukur, i pëlqen shumë të dëfrehet, të shkojë në parti edhe nëse ai nuk e shoqëron. Frika më e madhe e Semit është se ndoshta ajo nuk ka nevojë për të bërë seks më të sepse kryen marrëdhënie më dikë tjetër. Kur nisën trajtimin e tyre me një specialist, këshilla e parë që iu dha Semit ishte që të rindizte dëshirën seksuale dhe epshin e Kelit. Ndërsa të dyve iu rekomandua të gjenin komunikimin në çift dhe të bënin aq shumë seks në shtëpi sa asaj t’i largohej dëshira për të dëfryer jashtë shtëpisë.
Marrë nga “The Time”

Si mund të rifitohet intimiteti në çift


Rea 21 vjeç dhe Geri 26 kanë dy vjet që janë të lidhur bashkë. Që në fillim të lidhjes së tyre ata kanë qenë një çift të cilët i pëlqenin shumë eksperimentet seksuale, por me kalimin e kohës nisën të kenë probleme. Ata shpenzuan një sasi të konsiderueshme parash me lodra seksi, por pavarësisht tyre gjërat filluan të përkeqësoheshin. Rea ishte e para që i pa lodrat e seksit si një problem dhe mendonte se Geri u fiksua pas pajisjeve të seksit dhe ata humbën lidhjen e tyre romantike dhe emocionale. Ajo gjithashtu ankohej se i dashuri i saj nuk e bënte atë të ndihej seksi dhe e veçantë. Geri shfajësohej gjithmonë me faktin se nuk kishte shumë eksperiencë me femrat dhe se dëshironte shumë që ta kënaqte atë në krevat. Ata u drejtuan tek një specialist, këshilla e parë e të cilit ishte që të hidhnin lodrat e seksit dhe të rizbulonin edhe një herë intimitetin të cilin dukej ta kishin humbur. Çiftit iu rekomandua gjithashtu që të kishin një ritual para seksit me përkëdhelje të buta ndaj njëri-tjetrit që të fitohej romantika.
Marrë nga “The Time”

Femrat dhe puberteti


Puberteti është koha e shumë ndryshimeve. Trupi i një vajze fillon të ndryshojë pas moshës 8–vjeçare. Shumë prej tyre shqetësohen nëse nuk zhvillohen shumë shpejt, sidomos pasi krahasojnë veten me shoqet. Por mos harroni, secila ka moshën e vet të pubertetit, tek disa zhvillimi fillon shpejt tek të tjera më vonë. Shumë ndryshime vijnë si pasoje e hormoneve që tek femrat janë estrogjeni dhe progesteroni. Gjoksi i vajzave fillon të rritet në moshën 9 deri 13-vjeçare. Vajza të ndryshme kanë gjoks të ndryshëm, ndaj nuk duhet të shqetësohen nëse ai nuk rritet shpejt apo nuk ka formën që ato do të dëshironin. Qimet fillojnë të shfaqen më vonë.
Periodat menstruale fillojnë nga mosha 11 deri 15 vjeç, por mund të fillojnë edhe që 9 vjeç ose mund të vonojnë deri në moshën 17-vjeçare. Si shkaktohen periodat? Një herë në një muaj trupi i femrës bëhet gati për një shtatzëni. Veshja e brendshme mitrës fillon të trashet. Rreth dy javë më vonë, një nga vezoret prodhon vezën. Nëse sperma e mashkullit nuk bashkohet me vezën, atëherë nuk është fekonduar dhe si pasojë veshja e brendshme e mitrës nuk është më e nevojshme. Dy javë më vonë trupi i femrës arrin të çlirohet nga kjo veshje nëpërmjet vaginës. Ky quhet cikël menstrual. Periodat zakonisht zgjasin nga 3 deri në 7 ditë. Mund të jenë më të gjata ose më të shkurtra dhe gjakrrjedhja mund të jetë më e lartë nëse femra është në fillim të procesit të ciklit menstrual. Periodat konsiderohen të rregullta nëse vijnë një herë në 21 ditë. Nëse një femër kryen marrëdhënie dhe nuk i vijnë më periodat, atëherë ajo mund të jetë shtatzënë. Veza e fekonduar ngjitet pas veshjes së brendshme të mitrës dhe vajza nuk mund të ketë më cikël menstrual.
Puberteti mund ty jetë periudha e ndjenjave dhe fantazive të forta seksuale. Por ëndërrimi i një puthjeje, akti seksual dhe ndjenjës së romantizmit mund të jenë krejtësisht normale.

Kur burrat pësojnë aksidente, ndryshimet në seks


Bashkëshorti pësoi një aksident vetëm një vit pas martesës sonë dhe dëmtoi rëndë shtyllën kurrizore. Që atëherë ai thotë se nuk i intereson edhe aq shumë jeta jonë seksuale. Jam përpjekur t’i qëndroj afër, t’i flas, t’i shtrëngoj dorën, por ai refuzon edhe këtë gjë. Ai nuk më prek më si më parë ose më mirë nuk më prek fare. Kur përpiqem ta përqafoj pasi kthehem në shtëpi ose edhe kur dua të tregohem më e afërt ndaj tij, ai më shtyn sa më shpejt të mundë. I jam lutur disa herë të shkojmë të takojmë specialistë, të cilët këshillojnë çiftet me probleme në martesë, por ai ka refuzuar edhe këtë. Kjo gjendje ka shumë kohë që zgjat dhe ndonjëherë më duket se po çmendem. Refuzimi i tij ndaj çdo përpjekjeje time më ka bërë të ndihem e padobishme dhe shumë e fyer. Ka disa ditë që unë jetoj në një pjesë të shtëpisë dhe ai në një tjetër, dhe i flasim njëri-tjetrit shumë rrallë. Ndihem shumë e pasigurt, një pjesë e imja më thotë ta lë dhe të vazhdoj jetën time, por nga ana tjetër e ndjej se jam ende e dashuruar pas tij.
Marrë nga “Channel4

Maniakët e seksit hutojnë studiuesit


Studiuesit po luftojnë të kuptojnë një gjendje të rrallë mjekësore në të cilën individët kërkojnë pavetëdije apo edhe bëjnë seks ndërkohë që flenë gjumë. Studiuesit e manisë për seks, ndërkohë që bëjnë analiza seksuale rreth një personi tjetër ndërkohë që fle, janë penguar pasi individët që vuajnë janë kaq në siklet nga ky problem sa nuk e tregojnë edhe pse doktorët i pyesin rreth kësaj gjendjeje. Deri tani nuk është gjetur asnjë kurë për këtë sjellje të tyre, e cila zakonisht shkakton probleme në një marrëdhënie. Një nga vajzat që është bërë pjesë e këtij studimi shprehet “Kjo gjendje më mërzit shumë, sepse nuk mundem ta kontrolloj, për më tepër më frikëson, sepse nuk ka të bëjë aspak me të dashurin tim dhe nuk dua që kjo sjellje qesharake të ndikojë lidhjen tonë”, thotë ajo. Shumë studiues e përcaktojnë maninë e seksit si një variant i të ecurit, ndërkohë që je në gjumë (somnambul) ku individët nuk dinë nëse flenë apo ecin, ndërsa maniakët e seksit kanë tendencën të qëndrojnë në krevat dhe jo të çohen e të vazhdojnë me aktivitetet e ditës. Ndërkohë që somnambuli prek nga dy deri në katër për qind të popullsisë, mania ndaj seksit mendohet të jetë një problem, i cili prek një pjesë të madhe të saj. Në sajë të një studimi interneti, i mbajtur në fillim të vitit 2006, studiuesit shprehen se kjo është një gjendje, e cila përjetohet nga shumë individë, të cilët e kanë pranuar në internet, por vështirë se do ta pranonin nëse do t’i pyesje në mënyrë të drejtë për drejtë. “Në pjesën më të madhe të rasteve, seksi në gjumë ndodh tek njerëzit, të cilët tashmë e kanë një partner”, shprehet studiuesi Lankenann. Ndodh që partnerët të urrejnë këtë gjendje dhe kjo i jep fund edhe marrëdhënies së çiftit, por mund të ndodhë që të tolerohet, madje edhe mund ta pëlqejnë këtë fakt. Megjithëse në shumë qendra kërkimore është vënë alarmi rreth kësaj gjendje, ende nuk është gjendur mjekimi, por faktorët që mund të mund të ndikojnë janë stresi apo pagjumësia.

8 sekretet për të joshur një mashkull


Joshja është një nga mënyrat më të mira për të bërë për vete një mashkull. Në ditët e sotme një nga arsyet për të cilat çdo vajzë apo grua përpiqet që t’i kushtojë edhe më shumë vëmendje vetes së saj është pikërisht për të tërhequr vëmendjen e seksit të kundërt dhe për të qenë një joshëse sa më e denjë. Sipas studiueses Jyne Fisher femrat pëlqejnë shumë të joshin një mashkull, pasi kjo i bën të ndihen më shumë të vlerësuara e të suksesshme. Disa nga këshillat që i jep specialistja një femre, e cila kërkon të tërheqë një mashkull janë:
1-Zgjidhni të joshni personin e duhur. Thelbi i kësaj zgjedhje është instinkti.
2-Bisedoni. Shumë prej femrave përpiqen të nisin një bisedë, ose të paktën të kenë një kontakt sysh me një partner të fuqishëm i cili konsiderohet se tërheqës po ashtu si edhe vetë ato. Pra, nëse nuk jeni të lumtur dhe data juaj nuk po shkon ashtu siç duhet, filloni të vini në zbatim këtë këshillë.
Emocioni i joshjes shtrihet më shumë tek gjuetia se sa tek pushtimi. Nxitja e të dëshiruarit dhe të ndjekurit dikë mund t’u japë një ndjenjë kënaqësie. Por ata, të cilët e shijojnë në maksimum “gjuetinë”, kjo ndjenjë shton edhe më shumë besimin e tyre në vete dhe suksesin që dëshirojnë të arrijnë.
3-Planifikimi dhe vendosja e kohës në vendin e duhur në çastin e duhur. Nëse objekti i pasionit tuaj është dikush, të cilin e shihni vazhdimisht, koha dhe vendi i gabuar mund t’i shtohet shumë mirë emocionit tuaj. Nëse merrni të njëjtën përgjigje nga ai, njohja e faktit që ai është i interesuar për ju, por që nuk ua thotë, mund të shtojë ndjenjën e nxitjes dhe eksitimit. Lërini ato të zgjaten...
4-Por si mund të mësoni në se ai është i interesuar apo jo?
Mënyra më e mirë për të kuptuar ndjenjat e tij është përmes gjuhës së trupit. Ndryshe nga çfarë mund t’u thotë, sinjalet e trupit të një mashkulli janë treguesit më të mirë se si ndjehet ai ndaj jush. Sytë e tij janë forma më mirë për të kuptuar nëse dëshiron t‘u joshë apo edhe më tej të bëjë seks me ju. Nëse ai i përgjigjet vështrimit tuaj dhe veçanërisht nëse mban kontaktin e syve për një kohë më të gjatë nga sa prisnit, atëherë të jeni të sigurta se është vërtet i interesuar. Besojuni instinkteve, do të kuptoni nëse një mashkull tërhiqet nga ju apo jo.
5-Detajet. Tregohuni të kujdesshme ndaj detajeve, gjesteve dhe tonit të zërit, pasi mund të jenë një udhëheqës i mirë për të arritur zemrën e tij.
6-Flirti. Flirtoni, flirtoni, flirtoni. Përgjithësisht, jo vetëm femrat, por partnerët në përgjithësi flirtojnë me të tjerët për t’i kujtuar personit që kanë në krah se kërkojnë të ndjehen të dëshiruara nga ta, por në rastin e joshjes nënkupton mbajtjen e personit tjetër të interesuar dhe të nxitur.
7-Tërheqja. Nuk është e lehtë për një femër të tërheqë një mashkull, nëse ai nuk arrin të mësojë në sajë të sinjaleve tuaja se e pëlqeni vërtet dhe se në fund të kësaj joshje do të dilni të dy të fituar. Pasi t’i keni bërë të ditur se jeni e tërhequr nga ai mashkull, është nevojshme që femra t’i bëjë të ditur se deri ku janë kufijtë e kësaj tërheqje. Njerëzit kanë ide të ndryshme rreth seksit, ndaj është e rëndësishme që të dyja palët të dinë nëse po kërkojnë të njëjtën gjë. Në studimin e saj, specialistja Jyne Fishes ka vënë re se janë meshkujt ata, të cilët në pjesën më të madhe të rasteve finalizimi i joshjes të jetë seksi, ndaj është e rëndësishme që femrat të bëjnë pyetje rreth asaj çfarë kërkojnë në të vërtetë ata. Dy njerëz, të cilët janë tërhequr vizualisht nga njëri-tjetri mund të mos kenë të njëjtën afrim për rrugën e gjatë të joshjes. Pasi të keni folur pak rreth kësaj çështje, vini re nëse ai vazhdon ende të jetë i interesuar pas jush.
8-Vëmenjda. Tregohuni të kujdesshëm për shenjat pranimit apo të refuzimit. Nëse vini re ndonjë shenjë refuzimi, mos humbisni kohën tuaj në diçka, e cila duhet që në mungesë të seksit nuk do të funksionojë. Njeriu i duhur mund të jetë aty jashtë, duke pritur të joshet nga ju. Por nëse shenjat e joshjes vazhdojnë të jenë të mira, është koha të bëni lëvizjen tuaj. Një ri nga ju duhet të dorëzohet. Përqindja më e madhe e mundësisë është që ajo që do të heqë dorë, të jetë femra, pasi edhe pse joshja si akt është nisur nga ajo, ai do të ketë hequr dorë nga roli i ndjekësit gjatë ditëve që e keni joshur.
Marrë nga “NEW YORK POST”

Kur tradhtia ndodh para martese


Helen dhe Richard kishin më pak se dy vjet që ishin njohur, por duke qenë se e ndjenin shumë mirë veten pranë njëri-tjetrit, vendosën që të kurorëzonin marrëdhënien e tyre në martesë. Por duket se fakti që kishin caktuar ditën e dasmës nuk ka penguar Richardin, i njohur për karakterin e tij prej “Don Zhuani” ta tradhtojë nusen e tij të ardhshme. “Kur e pashë të përqafuar me një tjetër, m’u duk se u shemb e gjithë bota, nuk doja ta besoja atë që shihja”, shprehte Hellen. Pas kësaj skene aspak të lehtë për t’u kapërcyer, Helen vendosi të njoftojë të fejuarin e saj, se lidhja e tyre merrte fund dhe se martesa nuk do të bëhej më. “Momenti më i vështirë kur e putha për herë të fundit, pasi ndjeva një dridhje në të gjithë trupin, e cila më bëri të kuptoj se isha ende e dashuruar pas tij”, thotë Helen. Ajo tregon se ka filluar të kalojë këtë moment të vështirë të jetës së saj dhe se tani është në kërkim të një dashurie të re.
Marrë nga “Channel 4”

8 këshilla për të ndezur pasionin


Sipas të dhënave më të fundit tek shumë femra pas kalimit të viteve vihet re se pasioni i tyre gjatë seksit zbehet, ndaj edhe jeta e tyre seksuale nuk është më ajo e para. Sipas studiueses Laura Berman është e mundur të rikthehet pas ky pasion edhe pse jo në të njëjtin nivel që ka qenë dikur.
Pse humbet pasioni
Angazhimet e jetës së përditshme luajnë një rol të rëndësishëm në braktisjen e interesit seksual ndaj partnerit. “Stresi, ankthi, depresioni çfarëdo shqetësimi tjetër që lidh jetën e një femre mund të ndikojë seksualizmin e saj. Por edhe natyra ka gjithashtu rolin e saj. “E vërteta është se libidoja i një femre nuk do të jetë kurrë siç ishte në fillimet e saj me partnerin. Trupi i gruas nuk mund të mbështesë pasionin. Nuk do të mundeshin të bënin asgjë, nëse do të jetonin gjithmonë në atë fazë. Është vetë natyra e femrës, e cila e bën atë të kalojnë në diçka më të mirë, në një vend më veprues, i quajtur “faza e kapjes”, një fazë më e ëmbël dhe e qetë, të cilën shpesh njerëzit e ngatërrojnë me pasionin.
Kur shtohen problemet
“Është gjatë kësaj fazë koha kur problemet seksuale fillojnë të shtohen”, thotë Berman. Kur partnerët arrijnë në këtë fazë mendojnë se seksi duhet të jetë gjithmonë spontan dhe të kenë të njëjtën dëshirë të çmendur për të bërë seks, siç e kishin në fillimet e tyre. “Në fakt kjo fazë duhet të prodhohet dhe në fillim është shumë e çuditshme, por më pas bëhet një zakon dhe mund të ndihmojë shumë për të stabilizuar gjërat mes çiftit”, shton studiuesja. Sipas Berman ka disa mënyra për të rikthyer pasionin në një lidhje dhe ndër këshillat që ajo jep janë:
1. Planifikoni një takim javor. Mund të dilni të darkoni jashtë ose thjesht të përfitoni nga një shëtitje për të biseduar. Mos shkoni në kinema apo diku tjetër, ku nuk mund të bisedoni ose të shihni njërin-tjetrin gjatë gjithë natës.
2. Nëse nuk mund t’i lejoni vetes një dado, përfitoni nga koha kur ata janë në gjumë dhe pini një gotë verë me parterin në një nga cepat e shtëpisë.
3. Bëni gjëra interesante dhe eksituese së bashku. Në një studim mes çifteve u vu re se çiftet, të cilët merrnin pjesë në aktivitete të tilla si kërcim, aktrim apo edhe ski, kishin nivelin më të lartë të intimitetit, lidhjes dhe interesit seksual. “Partnerët kanë nevojë të qëndrojnë sa më shumë bashkë, në çdo vend dhe situatë për të forcuar edhe më shumë lidhjen e tyre”, thekson Berman.
4. Merrni çdo ditë kohë për veten tuaj. Edhe pse puna, shqetësimet e profesionit, familja mund të jenë shumë stresuese. 10 deri në 15 minuta në ditë kujdes ndaj vetes, mund t’u ndihmojnë të ulni nivelin e stresit dhe të merrni më shumë energji për partnerin tuaj. Është e rëndësishme të jeni shumë energjike. “Sa më shumë joshëse dhe e lidhur të jeni me veten tuaj, aq më shumë e gatshme do të jeni për partnerin”, vazhdon studiuesja.
5. Kërkojini partnerit të mbajë fëmijët për disa mbrëmje në javë, ndërkohë që ju lexoni, bëni një dush, apo bëni ushtrime gjimnastikore.
6. Vishuni seksi dhe jepini partnerit çelësat e dhomës së hotelit që keni prenotuar për të qëndruar bashkë.
7. Kini kontakt fizik me partnerin edhe pse nuk kryeni marrëdhënie seksuale, përqafohuni, mbani duart e njëri-tjetrit, prekuni etj.
8. Eksperimentoni pozicione të ndryshme seksuale.

jdess?~ qP`i veshjet tuaj në mënyrë të ngadalë dhe joshëse. Mos u ngutni dhe sigurohuni që të ruani kontaktin e syve. Nëse ndiheni në siklet të jeni të sigurta që ai do të mendojë se në atë moment të dy keni shkuar në parajsën e seksit.
Marrë nga “Panorama.it”

Viagra, jo gjithmonë e efektshme


Sipas studiuesve meshkujve u janë dhënë priobalitete të pavërteta rreth efekti të viagrës. Kështu meshkujt të cilët vuanin nga disfunksioni i ereksionit të cilët morën ketë ilaç u demoralizuan kur mësuan se nuk kishte efekt. Një studim i kryer në një nga qendrat spitalore të SHBA një në 40 burra tregoi se ata kishin shumë shpresa për mjekimin. Kur u mësua se viagra nuk kishte ndikimin që ishte publikuar, mediat amerikane u fajësuan për reklamimin e madh që i ishte bërë viagrës. Kërkuesit intervistuan 40 burra në moshën mbi 52 vjeç të cilëve u ishte rekomanduar viagra dhe të cilët ishin vizituar në një klinikë mjekësorë për meshkujt një vit përpara kërkimit. “Tek të gjithë ata u vu re se kishin një besim të madh në efektin që do t’u jepte viagra”, shprehte Jon Sindy, një nga themeluesit e këtij kërkimi. Disfunksioni i erkesionit shkaktonte tension tek të gjithë këta meshkuj të cilët kishin këtë shqetësim duke ndikuar ndjeshëm në respektin ndaj vetes dhe mirëqenien e tyre. Pati një përmirësim të përgjithshëm në mirëqenien e tyre kur viagra ishte e suksesshme. Por kur ajo dështoi stresi dhe tensioni ishte tepër i ashpër.
Gabimi
Shumë prej tyre thanë se ishte një gabim i ekzagjerimit të medias. Kërkuesit e këtij studimi u shprehën “ Media ka pasur një efekt të rëndësishëm në suksesin e këtij ilaçi dhe në pjesën më të madhe të rasteve është folur për efektin e pozitiv të saj dhe jo të kundërtën”. Ann Taylor, drejtoresha e “Shoqatës së disfunksionit seksual” u shpreh se “kishte një besim të madh tek viagra. Ishte portretizuar si një mrekulli nga media- merrni viagër dhe do të keni jetë më të mirë seksuale”. Për shumë njerëz që e kanë marrë atë ka qenë shumë e dobishme, por ka pasur një numër të madh meshkujsh të cilët nuk kana pasur asnjë ndryshim prej saj’, është shprehur ajo. Arsyeja pse nuk ka funksionuar nuk është kuptuar ende. Ilaçi nuk duhet të merret pas ushqimit apo alkoolit dhe stimulimi seksual është shumë i rëndësishëm që të merrni efektin e dëshiruar.

Sinqeriteti që i duhet një lidhjeje të re


Para 3 muajsh u njoha me një djalë. Më dukej shumë simpatik dhe pas çdo veprimi dhe shikimi të tij e ndjeja se shkrihesha e tëra dhe më joshte edhe më tepër. Kemi dalë disa herë me të dhe unë ndjehem mjaft mirë pranë tij, por më duket se ai nuk është edhe shumë i dhënë pas meje. Ai më pëlqen, nuk kam njohur asnjëherë nja djalë më të mirë se ai dhe që të bënte të ndihesha aq e vlerësuar, por nga ana tjetër ai nuk shfaq hapur ndjenjat e tij ndaj meje. Do të doja shumë që ai të më thoshte nëse i pëlqej apo, nëse është i joshur nga unë dhe a mendon për një lidhje mes në të dyve. I kam kërkuar disa herë që të jetë shumë i sinqertë me mua dhe nëse nuk ndjehet u tërhequr të më thotë edhe pse e di që kjo do të më lëndojë shumë. Ndonjëherë mendoj se një nga arsyet që ai nuk më thotë se çfarë mendon për ne është fakti që kemi pak kohë që jemi njohur ndaj kam vendosur që t,i lë edhe disa ditë mundësi para se t’i kërkoj vetë një shpjegim.
Marrë nga “Channel 4”

Kur tradhëtinë e merr vesh nga shoqet


Erin ka më shumë se 8 muaj që është ndarë nga bashkëshorti i saj, por shprehet se e ka shumë të vështirë të kalojë këtë periudhë. “Nuk mendoja asnjëherë se pas ndarjes me Bredin do të mërzitesha kaq shumë”, thotë ajo. Një lidhje dashurie prej më shumë se 5 vjetësh u kurorëzua në martesë pas pak kohe, por diçka ndodhi dhe Erin kërkoi divorcin. “Shumë shoqe të miat më kishin vënë në dijeni se ish bashkëshorti im mund të ishte duke më tradhtuar më një tjetër, por unë nuk bëra asnjë veprim derisa e pashë vetë dhe atëherë i kërkova të divorcoheshim sepse nuk kishte më kuptim të qëndronim bashkë”, shton ajo. Por duket se kjo lidhje e gjatë dashurie do të vazhdojë të mbetet edhe për shumë kohë në mendjen dhe zemrën e 32-vjeçares e cila nuk po kapërcen këtë ndarje dhe as nuk e ka menduar ndonjëherë të nisë një lidhje të re. “Ai është ende brenda gjithë qënies sime, unë nuk mund të bëj dot pa të, por as nuk mund ta fal, më duhet shumë kurajo për të hedhur pas këtë martesë”, përfundon Erin.
Marrë nga “Channel 4”

7 këshilla për seks sensacional


Për të pasur një marrëdhënie të mirë është e
rëndësishme që të kombinohen dy faktorë: dashuria dhe seksi. Dashuria është një ndjenjë që lind natyrshëm ndaj edhe mundësitë për të dhënëkëshilla janë të pakta. Ndërsa për sa i përket jetës në krevat ka disa mënyra të cilat mund të vijnë natyrshëm, por edhe mund të mësohen. Disa nga këshillat që japin studiuesit janë:
Shikimi
Stimulimi me anë të vështrimit erotik eksiton të dyja gjinitë, por burrat janë më të prirur që të varen prej mënyrës se si e sheh partnerja. Eksitimi i tyre vjen duke u rritur nga shikimi erotik, në të kundërt femra preferon përfytyrim mendor të seksit që ndizet.
Tingulli
Të gjithëve u pëlqen të dëgjojnë një rënkim kënaqësie që vjen nga buzët e të dashurës. Shumë çifte harrojnë kuptimin dhe rëndësinë e rënkimit, sidomos nëse është e përbashkët dhe bëjnë seks në qetësi absolute. Nëse shihni një film ku aktorja gjatë eksitimit fillon të rënkojë më aq fuqi sa ka sigurisht që pjesa më e madhe juaja do të ndjejë ndryshim në organin gjenital, por nëse ky rënkim vjen gjatë një akti seksual i jep marrëdhënies një dimension dhe kënaqësi tjetër.
Aroma
Aroma e trupit të partnerit është ajo që na lidh me të. Shpesh nuk është e nevojshme të harxhoni kaq shume me parfume dhe aroma të tjera për trupin, pasi aroma që mban trupi juaj është padyshim më e mira dhe më nxitësja.
Shija
Pastrimi i tepërt ka tendencën të largojë sekrecionet e seksit dhe shijen të cilën partnerët e pëlqejnë ta shijojnë. Ngacmimi dhe përkëdhelja me gjuhë e partnerit sidomos gjatë seksit oral është vërtet seksual, kështu që përpiquni të mos largoni këtë ndjesi dukë përdorur produkte të tepërta pastrimi
Surpriza
Dhurojini syve të tij habi dhe vishni diçka seksi, apo tërhiqeni partnerin duke përdorur shenja delikate dhe seksi si për shembull duke lëpirë buzët apo duke hequr çorapet. Mos u shqetësoni nëse u duket vetja budallaqe, kur vjen puna për seks sa më shumë dramacitet aq më mirë është. Ndizni disa qirinj, para se të bëni banjë përdorni vajra aromatikë, gatuani pjatën e preferuar të bashkëshortit dhe ushqejani atë në krevat.
Ek
sperimenti
Është koha që të lini dritat ndezur sepse imazhet e forta erotike i dhurojnë trurit tronditje kënaqësie. Nëse jeni duke bërë seks oral kujdesuni që ai të shohë gojën dhe gjuhën tuaj teksa e përkëdhelni. Kontakti i fortë i syve e bën atë të arrijë kulmin e eksitimit dhe e nxit për një seks më të fuqishëm.
Çdo gjë kalon
Performoni një striptizë për partnerin tuaj kur ai të jetë kthyer nga puna. Tregohuni të kujdesshme që të hiqni veshjet tuaj në mënyrë të ngadalë dhe joshëse. Mos u ngutni dhe sigurohuni që të ruani kontaktin e syve. Nëse ndiheni në siklet të jeni të sigurta që ai do të mendojë se në atë moment të dy keni shkuar në parajsën e seksit.
Marrë nga “Panorama.it”

Diabetikët preken nga sëmundjet seksuale


Meshkujt me diabet janë dy herë më të mundshëm për t’u prekur nga disfunksioni i ereksionit, se sa meshkujt që nuk e kanë këtë sëmundje. Studiuesit kanë zbuluar gjithashtu se burrat, të cilët vuajnë nga diabeti, preken nga sëmundjet seksuale 15 deri në 25 vjet më parë se meshkujt e tjerë. Megjithëse këto shifra mund të duken shumë të rënda, kontrolli i vazhdueshëm i glukozit dhe nivelit të sheqerit në gjak mund të ndikojnë pozitivisht shëndetin. Nëse dëshironi të ndaloni problemet me ereksionin ose të ndaloni përkeqësimin e tyre, atëherë është e nevojshme të bëni një kontroll të nivelit të sheqerit në gjak dhe t’i afroni numrat e tij sa më afër parametrave normalë. Kjo nënkupton vëzhgim të detajuar nga vetë individët në ushqimin që konsumojnë, marrjen e mjekimeve të diabetit, të këshilluara nga mjeku, dhe vëmendje të veçantë ndaj mënyrës së jetesës. Mënyra më e mirë është ndjekja e një diete të shëndetshme, kryerja e rregullt e ushtrimeve dhe mbajta e peshës normale të trupit. Shumë diabetikë janë të aftë të mbajnë peshë normale, e cila u siguron edhe një jetë seksuale më aktive dhe të rehatshme. Disa të tjerë mund të kenë nevojë të marrin mjekime për t’i mbajtur numrat e tyre sa më afër normales dhe në ketë mënyrë të kënaqin seksualisht veten dhe partneren. Ajo çfarë duhet të mbahet gjithmonë parasysh është se për mjekimet ndaj diabetit kanë efekt më të mirë, nëse ushqeheni siç duhet dhe jeni aktiv fizikisht, në të kundërt, për pasojë edhe jeta në çift do të hasë probleme.
Çelësi i suksesit: kontrolli i nivelit të gjakut në sheqer.
Nëse aktiviteti juaj seksual nuk ka të njëjtët ritme si më parë, dhe shkak për këtë është diabeti, atëherë është e nevojshme të bëhet kontrolli i nivelit të sheqerit në gjak tri ose më shumë herë në ditë. Aparati i kontrollit të glukozës në gjak, i cili duhet të jetë pjesë e një familje, nëse mashkulli është me diabet, mund të jetë mënyra më e mirë për të bërë një kontroll pas çdo vakti ushqimor.

Nga një miqësi e fortë lind një dashuri e fortë


Për herë ta parë me Tonin, të dashurin tim, jam takuar më 30 tetor, ditën e ku po festoja 25-vjetorin tim. Ai po kërcente në të njëjtën diskoteke ku ndodhesha edhe unë me miqtë e mi dhe papritur u përplasëm me njëri-tjetrin. Më kërkoi falje dhe më tha se mënyra më e mirë për t’i treguar se e kisha falur, ishte të kërceja me të, dhe unë pranova. Biseduam shumë pak, por e rëndësishme ishte se shkëmbyem numrat tanë të telefonit. I thashë se mund të më telefononte në çdo moment që dëshironte. Disa javë më vonë erdhi telefonata që kisha pritur prej aq shumë kohësh. Ishte ai. Në fillim nuk dija çfarë t’i thosha dhe limitohesha vetëm t’i ktheja përgjigje pyetjeve të tij. Vendosëm të takoheshim ditën tjetër, një takim i cili u pasua edhe nga shumë të tjerë. Ai ishte kaq i bukur, jo vetëm në paraqitje, por edhe në shpirt. Ndjeja se kishim kaq shumë gjëra të përbashkëta se më dukej e pamundur që e kisha takuar. Kaluam disa muaj si miq, derisa një ditë me anë të një shënimi tek një buqetë e madhe me lule më kërkoi të bëhesha e dashura e tij. Përgjigjja ime ishte padyshim “po”, dhe ndjehem shumë e lumtur që më në fund lidhja jonë kaloi nga miqësi në një dashuri shumë të fortë dhe të sinqertë. E vetmja gjë që dëshiroj është që marrëdhënia që kemi krijuar të mbetet e njëjtë për gjithë jetën tonë.
Marrë nga “Channel 4”

Pas një lidhje të gjatë, një tjetër të lumturon


Kur njoha Kristinën, i kisha dhënë fund një lidhje të gjatë prej 4 vjetësh dhe po jetoja vetëm. Edhe pse çdo gjë shkonte në rregull, ndjeja mungesën e një njeriu të afërt në jetën time. Atë kohë, për të mbushur ditët e mia, fillova të shkoj në palestër dhe pak ditë pas të njëjtës “fitness center” nisi ta frekuentonte edhe një vajzë tjetër shumë simpatike. E ndjeja që isha shumë i tërhequr pas saj, dhe një ditë iu afrova dhe nisa të bisedoj me të. Mësova që quhej Kristina dhe që ishte me origjinë nga Rumania. Duhet të shtoj se gjithmonë më kanë pëlqyer femrat rumune, ndaj dhe mendova se rast më të mirë nuk mund të gjeja, ndaj vendosa t’i kërkoj të dilnim bashkë. Në fillim refuzoi, por unë vazhdoja të insistoja deri sa mora pohimin e saj. Jo më shumë se tri javë me vonë i dhuruam njëri-tjetrit puthjen e parë dhe u lidhëm. Ndihemi shumë mirë dhe të lumtur që jemi bashkë, dhe tani lidhjen time 4-vjeçare e kam lënë pas. Kjo vetëm në sajë të Kristinës.
Marrë nga “Channel 4”

7 këshilla për një jetë të lumtur


Çdo lidhje ka nevojë për një themel të fortë, e cila mund të zgjasë për të gjithë jetën. Psikoterapistja Paula Hall jep 7 këshilla thelbësore:
1. Duaj veten tënde. Nëse nuk doni veten tuaj, është e vështirë të besohet se mund t’u dashurojë dikush tjetër.
Respekti ndaj vetes është shumë i rëndësishëm në një lidhje të fortë. Nëse e pëlqeni vërtet veten tuaj, veç defekteve dhe dobësive që keni, do të ndiheni të sigurt. Kur ndiheni i sigurt dhe me besim në veten, do të pëlqeni të rrini me partnerin për gëzimin që sjell në jetën tuaj dhe jo sepse keni nevojë për të që të mbijetoni. Nëse keni pasur një eksperiencë negative në të shkuarën, është e nevojshme të bisedoni për këtë me partnerin. Ai do t’u qëndrojë pranë dhe do t’u bëjë të harroni atë periudhë të vetes suaj, por gjithsesi mbani parasysh që edhe në këtë rast të vlerësoni veten tuaj.
2. Pëlqeni partnerin tuaj. Lidhjet e forta krijohen vetëm nëse e pëlqejnë vërtet njëri-tjetrin. Do të jetë më romantike të flisni për dashurinë është e rëndësishme të kujtoni se dashuria është një emocion që vjen e shkon. Nëse sinqerisht keni ndjenjën e simpatisë ndaj njëri-tjetrit, nëse jeni dakord me mendimet e njëri-tjetrit, ndani të njëjtat ëndrra për jetën, atëherë ndenja e dashurisë nuk do të jetë kurrë larg jush. Është thelbësore t’i thoni partnerit se edhe ju e pëlqeni atë. Fjalët e ngrohta të kurajës dhe mbështetjes krijojnë besim dhe respekt. Për ta bërë të ndihet edhe më mirë njeriun e zemrës shtoni numrin e komplimenteve.
3. Vlerësoni kohën. Rëndësia e gjërave mund të matet nga sasia e kohës që jeni të gatshëm të shpenzoni për partnerin tuaj. Kur një çift është në fillimet e lidhjes së tij instinktivisht të dy partnerët kanë si prioritet lidhjen. Por me kalimin e kohës dhe jeta bëhet më e ndërlikuar, koha që kalojnë bashkë partnerët nuk është më e para, dhe lidhja vendoset në plan të dytë.
4. Komunikoni. Komunikimi i mirë është thelbësor për një lidhje të fortë. Është mënyra e vetme për t’i thënë partnerit se kush jeni, çfarë dëshironi dhe pse silleni në një mënyrë ose një tjetër. Të folurit është mënyra se si lejoni tjetrin të hyjë në botën tuaj private. Të komunikosh më mirë nënkupton të thuash hapur dhe sinqerisht atë çfarë ndjeni në të vërtetë. Do të thotë gjithashtu të dëgjosh partnerin pa e gjykuar.
5. Diskutoni me qetësi. Është e rëndësishme të pranoni se diskutimet janë pjesë normale e një marrëdhënie. Të gjithë njerëzit janë të vetëm, kështu që është normale që ndonjëherë të ndani mendime të ndryshme. Çiftet që diskutojnë të qetë
nuk kanë pse të shqetësohen nëse nuk bien gjithmonë dakord. Diskutimi i mirë është një mundësi për të ndarë ndjenjat dhe forcuar lidhjen tuaj, duke arritur në një vendim të përbashkët. Mund të jetë një eksperiencë që u dhuron të dyve më shumë besim në marrëdhënien që keni krijuar dhe u afron më shumë me njëri-tjetrin.
6. Prekuni çdo ditë. Prekja ka fuqinë e të dhënit qetësi dhe mbështetje, të mbrojtjes dhe kurajës dhe sigurisht atë të eksitimit. Çdo çift e di se jeta e tyre seksuale mund të jetë në periudha të ndryshme, por nevoja fizike për ngrohtësi nuk ndryshon asnjëherë.
7. Pranoni ndryshmet. Me kalimin e viteve njerëzit ndryshojnë, dhe mund të jetë ky ndryshim i cili “mban gjallë” një lidhje. Jeta gjithashtu ndryshon dhe shpesh jo ashtu siç do të donin njerëzit. Ndryshimi mund të ndikojë në rritjen e intimitetit, por gjithashtu mund të jetë edhe i dhimbshëm. Mund të nënkuptojë përshtatjen e një mënyre të re të menduarit ose një mënyrë të re jetese. Në marrëdhëniet e suksesshme çiftet kanë mësuar të përshtaten dhe ndryshojnë së bashku. Ata pranojnë se ky ndryshim është një pjesë e paevitueshme e jetë së njeriut, ndaj dhe mbështesin njëri-tjetrin.
Marrë nga “News Week”

Transplantohen organet mashkullore


Kirurgë kinezë kanë deklaruar se kanë kryer operacionin e parë të penisit, i cili ka rezultuar i suksesshëm. Problemet fiziologjike të burrit, por edhe probleme të partneres së tij ishin shkak për këtë operacion. Ky është edhe rasti i parë i transplantit të penisit. Mjekët kinezë nuk shpjegojnë se si 44-vjeçari humbi penisin e tij, ajo që thuhet është vetëm “një aksident traumatik bëri që ky njeri të kishte të pamundur të bënte seks apo edhe të urinonte”. Operacioni u krye mjeku Hu Weilie, të cili ka zgjatur plot 15 orë. Penisi është dhuruar nga prindërit e 22-vjeçarit të vdekur. Operacioni rezultoi i suksesshëm, por u bë i ditur vetëm pas dy javësh. “Ky operacion erdhi pas kërkesave të herëpashershme të bashkëshortëve pranë spitalit, pasi për ta më i rëndësishëm ishte fakti që ky njeri nuk mund as të urinonte që pas aksidentit të tij para plot 8 muajsh”, shprehet HU. Sipas tij, për shkak të problemeve fiziologjike të pacientit dhe bashkëshortit të tij penisi i transplantuar u desh të pritej.
10 ditë pas operacionit i cili është aprovuar edhe nga komiteti etik i spitalit, pacienti ishte i aftë të urinonte. Deri tani nuk ka pasur asnjë shenjë “refuzimi” nga trupi pas ndërrimit të këtij penisi prej 10 centimetrash. Megjithatë mjeku shton se është e rëndësishme të pritet, nëse është arritur të rifitohet funksioni seksual apo jo.
Pasojat fiziologjike Ilaçet mund të shkaktojnë dëmtime të ndryshme, për të cilat konsiderohen normale, pasi transplanti përfshin një organ jetësor të krahasueshëm me zemrën. Megjithatë është e rëndësishme që pacienti të jetë i qetë psikologjikisht, pasi dihet, duke qenë se është operacioni i parë i këtij lloji do të jetë edhe më i vështirë për t’u pranuar nga shoqëria.

Si mund të marrësh komandën në krevat

Kur jeni në shtrat nuk ekzistojnë parapërgatitjet? Gjithçka fillon menjëherë drejt e në temë? Atëherë ai është një egoist. Tashmë të gjithë dinë që femrat i adhurojnë puthjet dhe përkëdheljet. Nëse ai nuk i praktikon, me siguri që shtiret sikur nuk e di që një femër nuk mund ta konsiderojë të tillë një akt seksual pa disa minuta pasionante me puthje, përqafime dhe fjalë të ndjera. Në këtë rast është e rëndësishme që të ndërhysh menjëherë, para se të jetë shumë vonë për të zgjidhur problemin. Nëse fjalët nuk pinë ujë, kalo direkt në veprim. Propozoi lojën e pasqyrës, thuaji të bëjë si ti. Sikur të ishte një pasqyrë që reflekton imazhin tënd dhe fillo ta përkëdhelësh dhe ta puthësh në të njëjtën mënyrë që do të doje të bënte ai me ty. Atij do t’i duhet të të ndjekë në çdo veprim dhe kështu do ta kuptojë menjëherë mesazhin tënd. Vetëm duhet të kini kujdes nga ejakulacioni i parakohshëm Në të shumtën e rasteve meshkujt duan që pas seksit të flenë gjumë. Ndërsa ti që nuk ndjen aspak lodhje dhe gjumë po prisje që tani të mbështesje kokën në gjoksin e tij dhe ai të të ledhatonte duke të thënë fjalë të ëmbla.
Marrë nga “CBS”

Specialistët, burrat edhe më të fortë në martesë

Burrat zgjedhin partneret më të dobëta, pasi druajnë se do të tradhtohen. Hipoteza ka dalë nga një sondazh i kryer nga Universiteti i Miçiganit, i publikuar në “Evolution and Human Behavior”. Kur vendosin të zgjedhin një grua për ta pasur si partnere për një kohë të gjatë, preferenca e tyre shkon drejt atyre që kanë pozicione apo pagesa më të ulëta, por kur duan një flirt, zgjedhin gruan menaxhere. Sipas Stephanie Brown, koordinatore e studimit, kjo sjellje është vërejtur në një eksperiment të kryer te 102 studentë dhe 208 “kolege” të tyre. Loja e vëzhguesve konsistonte në imagjinimin e punës dhe njohjen e personave të paraqitura në foto. Vullnetarët duhet të imagjinonin se cilin tip interesash mund të ngjallte te ta ky tip personash, që mund të ishte në vendin e punës një supervizor, asistenti i tyre ose koleg me të drejta të plota. Kampioni duhet të thoshte nëse i kishte pëlqyer të ftonte për kafe personin që shihte në foto, të frekuentoheshin apo të shkonin drejt një lidhjeje më të konsoliduar si martesa. Sondazhi nxori se, ndërsa zgjedhja e grave nuk ka influencuar kurrë në statusin social të burrave, këta të fundit këtë gjë e kanë primare.
Marrë nga “CBS”

7 këshilla për jetë të pasur seksuale

Shtatë janë këshillat që specialistët në fushën e seksit u rekomandojnë të gjithë çifteve, të cilët kërkojnë të kenë raporte seksuale të mira. Sipas tyre, është shumë e rëndësishme komunikimi mes partnerëve, të flisni hapur, të praktikoni fantazitë tuaja dhe ato që shihni në filma, si dhe mbi të gjitha të vlerësoni tjetrin dhe të vetëvlerësoheni. Këshillat e mëposhtme tregojnë se si një marrëdhënie mund të jetë e ngrohtë dhe jo problematike.
1. Merrini gjërat shtruar. Studime të shumta kanë treguar se femrave u pëlqen që të nisin marrëdhënien seksuale me butësi dhe ngadalë. Ato ankohen shpesh se djemtë duan t'i bëjnë gjërat shumë shpejt dhe e teprojnë me puthjet apo me "futjen e duarve". Sa më shumë të zgjasni kohën përpara se të nisni seksin aq më shumë do të përmbushni dëshirat e partneres dhe do të shijoni në maksimum ato momente.
2. Ndryshoni stilin tuaj. Kërkoni që të jeni i paparashikueshëm për partnerin tuaj, pasi e panjohura eksiton edhe më shumë. Kërkoni që t'i dhuroni çdo akti seksual pozicione të reja për ta bërë atë edhe më të bukur. Mos kini frikë të provoni diçka që ju besoni se do t'u pëlqejë dhe pyesni gjithmonë partnerin si ndjehet dhe si e dëshiron aktin seksual apo vendet ku dëshiron të preket në një moment të caktuar të intimitetit tuaj. Femrave nuk u pëlqen të tregojnë apo t'i mësojnë partnerit se çfarë u pëlqen, ndaj mënyra më e mirë është ta pyesni atë në mënyrë të drejtpërdrejtë.
3. Mbani mend se filmat porno janë vetëm për qëllim argëtues. Mos përmendni pozicione filmash porno, pasi këto filma nuk janë një mësues i mirë, pasi ato nuk preferojnë të hyjnë drejt e në temë. Për femrat periudha e joshjes e cila fillon me zhveshjen është shumë e rëndësishme, gjë e cila gjendet rrallë tek pornot. Mos harroni armën tuaj më të fortë, gjuhën. Gjithçka që ju i bëni partneres tuaj me anë të gjuhës, është e kënaqshme për të megjithëse dihet që ledhatimi i klitorit është ajo që e çon në qiellin e shtatë.
4. Jepini pak pushim vetes tuaj. Nuk është gjithmonë e vërtetë se sa më shumë të zgjatet aktiviteti seksual aq më i kënaqshëm bëhet. Është e rëndësishme që partnerët të bëjnë një pushim të shkurtër herë pas herë dhe në ato momente t'i dhurojnë njëri-tjetrit ndjenjën e romanticitetit, për të cilën ka aq nevojë një lidhje. Fakti që nisni të bëni seks nuk do të thotë se nuk duhet të ndaloni së bëri atë. Mos u shqetësoni nëse për pak kohë humbni erekcionin tuaj sepse do ta rifitoni përsëri atë.
5. Vlerësoni pamjen e jashtme të parnerit/es dhe kujdesuni për veten tuaj. Shfaqni sa herë që ju jepet rasti vlerësimin për njeriun që keni në krah. Njerëzve u pëlqen të ndjehen mirë dhe të bukur, pasi gjatë gjithë kohës, sidomos femrat, i shoqëron pasiguria e pamjes fizike, dhe komplimentet nuk janë asnjëherë të tepërta. Por është e rëndësishme që t'i kushtoni vëmendje edhe vetes suaj, veshjes dhe kujdesit ndaj lëkurës. Dihet që në herën e parë që shihni dikë, qendra e vëmendjes është paraqitje e tij, ndaj përpiquni që të jeni gjithmonë në formë. Në një lidhje dashurore ndjenjat janë më të rëndësishme, por kjo nuk do të thotë se paraqitja juaj vendoset në plan të dytë.
6. Mësoni të kuptoni kur partneri juaj dëshiron seks. Shpesh partnerët nuk duan që ta zgjasin shumë fazën përpara se të nisë akti seksual, ndaj është shumë e rëndësishme të kuptoni se kur është ky moment. Nëse partneri juaj ju sheh me sy joshës, apo prek vazhdimisht organin tuaj gjenital, atëherë dijeni se ky është një mesazh që u dërgohet për të kuptuar që ka ardhur koha që të hidheni në sulm.
7. Mos mendoni se partnerja do t'u kërkojë atë që dëshiron. Shumë femra janë të turpshme sa për të kërkuar seks oral edhe pse e dëshirojnë shumë atë. Nëse ajo nuk ua kërkon provoni t'ia jepni vetë këtë kënaqësi. Nëse e pëlqen, atëherë do t'u lejojë të vazhdoni, ndërsa nëse nuk e ndjen kënaqësi do t'u kërkojë që të ndaloni.
Marrë nga "New York Times"

Të dashuruarat vishen më bukur

Sipas një studimi të fundit të kryer në Kaliforni, SHBA, femrat në moshë të re dhe që kanë krijuar një marrëdhënie vishen në mënyrë më joshëse nëse arrijnë fazën e ovulacionit në ciklin e pjellorisë, koha kur një femër është më pjellore.
Në qendër të këtij studimi u vunë rreth 30 nxënëse të një kolegji, tek të cilat u vu re dëshira për t’u veshur më lehtë, pra, duke preferuar minifunde në vend të pantallonave, këmisha të holla në vend të pulovrave si edhe për t’u stolisur më shumë në kohën kur veza çlirohet nga vezorja.
Të vishesh për të bërë përshtypje
“Afër ovulacionit femrat vishen për të bërë përshtypje dhe sa më shumë të afrohet kjo fazë aq më shumë shtohet edhe përkujdesja e tyre ndaj paraqitjes së jashtme”, thotë studiuesja Emi Haselton.
Në këtë kohë femrat kanë tendencën të veshin minifunde, të ekspozojnë më shumë trupin e tyre dhe të jenë më joshëse.
Në këtë kërkim 30 vajzat pjesëmarrëse ishin nën moshën 21-vjeçare. Ato pranuan se kishin një marrëdhënie, kishin cikël të rregullt menstrual dhe nuk përdornin kontraceptivë hormonalë.
Ato u fotografuan dy herë, njëherë kur ishin në një ditë me nivel të lartë të pjellorisë dhe një ditë tjetër kur niveli ishte i ulët. Ato nuk e dinin se cila ishte arsyeja e këtij studimi.
Kërkuesit i treguan fotot e vajzave 37 “gjykuesve”, 17 burrave dhe 25 grave, të cilët kishin një moshë nga 18-23 vjeç dhe dy më të vjetrit ishin 41 vjeç. “Gjykuesit” panë secilën nga fotot e femrave të vendosura përballë njëra-tjetrës. Fytyrat e vajzave ishin të mbuluara në mënyrë që “gjykuesit” të përqendroheshin në veshjet, bizhuteritë dhe mënyrën e krehjes së flokëve të tyre.
Kërkuesit i bënë “gjykuesve” pyetjen se në cilën foto ato dukeshin më tërheqëse. Pothuajse në gjashtë nga dhjetë raste “gjykuesit” zgjidhnin foton në të cilën vajza ishte më pjellore.
Sa më afër të kishte qenë vajza ndaj ovulacionit, aq më shumë e zgjidhnin “gjykuesit” si fotoja në të cilën ajo “përpiqej të dukej më tërheqëse”. Në sajë të këtyre përgjigjeve, studiuesit arritën të vërtetojnë se një femër në mënyrë të pavetëdijshme kujdeset më shumë për veten e saj në ditët kur është më pjellore.

Pas indiferentizmit mund të ketë edhe dashuri

Kisha më pak se tri muaj që isha vendosur në SHBA dhe isha në kërkim të një djali i cili të më përshtatej dhe të ishte i sjellshëm e romantik me mua. Mbaj mend, se atë ditë mbushja plot 6 muaj nga koha kur isha ndarë nga ish-i dashuri dhe isha ulur e vendosur për t’u dehur. I kërkoja gotat një nga një dhe vija re se sa më shumë vinte pranë meje kamerieri aq më shumë dëshirë kisha për t’i kërkuar edhe një tjetër. Ai pothuajse nuk më vështroi fare, ndërsa unë edhe pse e pavetëdijshme nuk mund të mos vështroja sytë e tij të kaltër si deti, nuk doja që ai ta kuptonte se isha e tërhequr pas tij. Por nga ana tjetër nuk mund as të largohesha pa i thënë asnjë fjalë, ndaj vendosa t’i kërkoj që të dilnim bashkë. Ditën tjetër ai më telefonoi dhe më njoftoi për orën. Edhe pse isha krejtësisht e dehur jam krenare për takimin që i kisha kërkuar sepse është shumë simpatik. Indiferentizmi i tij ndaj meje është lënë pas që prej asaj dite, pasi tashmë ne jemi shumë të dashuruar me njëri-tjetrin.
Marrë nga “Pravda”

Takimi që nisi në avion dhe përfundoi në martesë

Të fejuarin tim e kam njohur një vit më parë, në një udhëtim në Belgjikë. Nisëm të bisedonim krejt rastësisht në një nga baret e qytetit ku isha vendosur, por më duhet të pranoj se e kishim të vështirë të komunikonim, sepse ai fliste shumë pak hungarisht e cila është e vetmja gjuhë që unë di të flas. E para gjë që më bëri të zgjas bisedën me të është se ai fliste shumë mirë për vendin tim dhe më e bukura ishte se ai pëlqente gjuhën tonë, të cilën ka filluar ta mësojë rregullisht që nga dita që jemi lidhur bashkë. Kisha shumë dëshirë të qëndroja me të, të flisnim, të përkëdheleshim, t’i tregonim historitë tona njëri-tjetri dhe në fakt e ndjeja veten shumë të qetë dhe të lumtur. Disa muaj më vonë më tregoi se ishte i martuar dhe kishte dy vajza. Në fillim u trishtova shumë dhe vendosa të mos takohem më me të, por një ditë ai erdhi me dokumentet e divorcit në dorë dhe më tha se kjo ishte prova më e madhe e që mund të më jepte për dashurinë e tij. Nuk mund ta besoja, ai ishte i lirë dhe asgjë nuk mund të na ndante më. Shumë njerëz na kanë gjykuar për zgjedhjen që kemi bërë, por për mua nuk ka rëndësi, ajo çfarë më intereson vërtet është se ndjehemi të lumtur pranë njëri-tjetrit.
Marrë nga “Pravda”

5 tipat më të zakonshme të çifteve

Në disa marrëdhënie zënka duket se vijnë vetëm nga njëra palë, nga njëri partner i cili grindet dhe ka gjithmonë një arsye për t’u ankuar. Është e mundur që ata të kenë të dy probleme me shprehjen e ndjenjave të tyre, por së bashku partnerët mund të sigurojnë njëri-tjetrin se emocionet mund të kontrollohen. Çifte të ndryshme mund ta përjetojnë këtë përvojë në mënyra të ndryshme, por ndjesia e pashpjegueshme e plotësimit që të dhuron të qenit pranë njeriut të zemrës, është ajo çfarë specialistët preferojnë ta quajnë “përputhje e pandërgjegjshme”.
Përputhja e pandërgjegjshme
Të gjithë njerëzit kanë në mendje një “plan psikologjik”, ku mbajnë detaje rreth eksperiencave dhe gabimeve që kanë bërë në jetë. Ky plan mban informacion, i cili është i vështirë të pranohet për shkak të frikës, ankthit dhe dëshirës për mbrojtje. Secili nga ne ka aftësinë e pandërgjegjshme për të skanuar planin e një personi tjetër. Ndjenja e tërheqjes është më e fortë ndaj atyre që kanë një plan shumë të përafërt me personin që i pëlqen. Gjithmonë njerëzit janë në kërkim të eksperiencave të ngjashme, por në fakt në mënyrë të pavetëdijshme ajo që po kërkojnë është ndryshimi.
Tërheqja e kundërt
Qëllimi i kësaj përputhjeje të pavetëdijshme është të gjendet dikush që mund të përmbushë eksperiencat e individit. Ky mund të jetë dikush që ngjan me të, por në pjesën më të madhe të rasteve njerëzit kërkojnë dikë në sajë të së cilit mund të mësojnë dhe që është krejt ndryshe nga ata. Partneri ideal do të jetë dikush që ka luftuar me të njëjtat vështirësi të personit që është tërhequr pas tij, por që ka gjetur një formë të ndryshme nga ata si zgjidhje. Edhe pse jo më shumë se dy marrëdhënie janë të ngjashme me njëra-tjetrën, psikologët kanë vënë re disa lloje të zakonshme të përputhjes së pandërgjegjshme.
Tipat e së pandërgjegjshmes
Nëna dhe fëmija, ku është lloji i çiftit të cilët ndajnë me njëri-tjetrin çështjet e varësisë dhe besimit. Njëri nga partnerët përballet me këto çështje, por duke u sjellë si një fëmijë. Besimi i tyre i fshehtë është se nëse mbeten të pasigurt, të varur dhe në nevojë, partneri i tyre do të kujdeset për ta. Partneri i tyre vendoset në rolin e prindit dhe duke vepruar në këtë mënyrë refuzon edhe nevojën e tij për të qenë i pavarur, pasi janë të lidhur me personin që kanë në krah.
Skllavi dhe pronari
Ky lloj çifti ka probleme me kontrollin dhe autoritetin. Njëri nga partnerët mund të ndihet shumë i pasigurt nëse është i nënshtruar, kështu që bëhet urdhërues dhe merr përsipër çdo përgjegjësi. Nga ana tjetër partneri i tyre i cili i druhet përgjegjësisë, detyrimeve, sprapset dhe vihet në komandën e partnerit pasi vetëm në këtë mënyrë e ndjen veten të sigurt.
Shtytës dhe ndjekës, të dy partnerët kanë frikë nga intimiteti edhe pse në të vërtetë kanë gjetur kandidatin e përsosur. Marrëveshja e heshtur është se njëri nga ata do të jetë gjatë gjithë kohës në kërkim të intimitetit dhe romancës, ndërsa tjetri do të jetë i prirur për t’u tërhequr.
Idhulli dhe adhuruesi, kur njëri nga partnerët insiston ta vërë tjetrin në piedestal, kjo zakonisht tregon një luftë për konkurrencë. Për të shmangur çdo lloj krahasimi të dy partnerët bien dakord në mënyrë të pavetëdijshme për të luajtur një skenar të tillë, ku secili prej tyre është për t’u vlerësuar maksimalisht.
Macja dhe qeni, janë lloji i çiftit i cili adhuron zënkat. Evitojnë të dy intimitetin duke jetuar në një “zonë lufte”.
Marrë nga “BBC”

Synetllëku ndihmon në evitimin e AIDS

Mund të jetë e rëndësishme për të ulur përhapjen e Sidës. Bërja synet mund të jetë çelësi që mund të evitojë përhapjen e mëtejshme të Sidës, sipas rezultateve më të fundit të një studimi të bërë në Afrikë.
Synetllëku mund të ulë rrezikun e marrjes së infeksionit HIV, virusi i cili shkakton Sidën. Studimi i kryer në Afrikë ishte menduar të ishte më i gjatë, por duke qenë se rezultatet ishin të qarta, studiuesit ndërprenë kërkimin, duke shkelur në këtë mënyrë rregullat e etikës dhe t’iu mundësojnë meshkujve bërjen synet, të cilët e dëshironin këtë gjë. Prerja e asaj pjese të lëkurës së organit gjenital të mashkullit bën prerjen e qelizave shumë të ndjeshëm ndaj infeksioneve dhe nga ana tjetër lejon gjëndrën të zhvillohet dhe të dalë një lëkurë më e trashë, e cila në sajë të kësaj trashësie dhe “rinie” do të pengonte marrjen e infeksioneve.
Mbrojtja- Nuk është hera e parë që një studio sugjeron mbrojtjen “e efektshme” të këtij lloji kundrejt infeksionit të HIV-it. “Por këtë herë të dhënat që kemi në dispozicion janë shumë serioze”, u shpreh drejtori i Institutit Kombëtar të Sëmundjeve Infektive”. Ky studim është bërë në Ugandë dhe Kenia. Kërkuesit u kanë shpjeguar mijëra meshkujve, të bërë apo jo synet, sjelljet që duhen bërë për të ulur rrezikun e marrjes së infeksionit të HIV-it dhe u kanë dhënë atyre prezervativë. Gjatë studimit nuk janë shfaqur ndryshime të dukshme mes sjelljeve seksuale të meshkujve që janë bërë synet dhe atyre që nuk kishin bërë këtë “proces”.
Në kërkimin e Ugandës janë përfshirë 45 996 meshkuj dhe 43 prej tyre mbartin infeksionin e HIV-it dhe ata ishin të pa bërë synet, ndërsa numri i meshkujve, të cilët kishin marrë të njëjtin infeksion, por ishin bërë synet, ishte 22, pra një ndryshim prej 48%. Ndërsa në Kenia morën pjesë në kërkim 2874 meshkuj dhe 47 prej meshkujve që nuk ishin bërë synet ishin infektuar me HIV, krahasuar me 22 burra të tjerë, të cilët ishin bërë synet dhe kishin po të njëjtin infeksion, pra një diferencë prej 53%.
Thelbësor, përdorimi i prezervativëve- “Këto dy studime i japin vërtetësi të madhe një hipoteze, e cila ishte hedhur shumë kohë më parë”, thekson studiuesi Gianni Rezza. “Nëse një mashkull dëshiron të ruhet nga infeksionet, atëherë bën mirë të bëhet synet dhe të mos harrojë asnjëherë përdorimin e prezervativëve”, përfundon ai.

Pse disa meshkuj e kanë të vështirë të jenë të besueshëm

Kanë kaluar plot 10 vjet që nga hera e parë që jam përpjekur të mësoj t’i fitoj zemrën një femre, por më duket sikur kam mbetur në po të njëjtin vend. Kam dashur gjithmonë të jem një Don Zhuan i vërtetë, një mashkull pas të cilit të lënë kokën të gjithë femrat, ndaj dhe jam përpjekur të mësoj gjithçka rreth takimit me një vajzë bukuroshe, dhe se si do të mundja të tërhiqja vëmendjen e saj. Jam djalë, i cili ka shumë shokë, dhe për pasojë edhe numri i vajzave me të cilën ata më kanë prezantuar, është relativisht i madh, por ato pëlqenin të bisedonin me mua edhe të kërcenin, të shijonin momentin, por gjithçka mbetej aty. Asnjëra nuk pranonte të dilte më mua. Nuk e di, për një periudhë kohore mendova se fillova të çmendem, ndaj dhe u shtrova për rreth tre muaj në një qendër rehabilitimi, por ata më thanë se nervat e mia iu kthyen gjendjes normale dhe fillova të bëj edhe një herë jetën e mëparshme. Por që andej nuk dola vetëm , pasi njëra nga infermieret që kujdesej për mua, më simpatizoi, ndaj dhe unë i kërkova të dilnim bashkë. Kam menduar t’i kërkoj të bëhet e fejuara ime, dhe shpresoj që të pranojë, pasi do të më bënte burrin më të lumtur në botë dhe do më bënte të lija pas kohët e vështira që kam kaluar.
Marrë nga “Pravda”

Ndryshimet gjatë pubertetit

Puberteti është periudha e shumë ndryshimeve. Trupi i një djali fillon të ndryshojë kur ai është nga 11 deri në 20 vjeç. Shumë djem shqetësohen sepse nuk zhvillohen aq shpejt sa do të dëshironin. Mbani mend, çdo individ ka kohën e tij të ndryshimit. Disa djem e nisin herët pubertetin dhe disa atë tjerë më vonë. Secili djalë do të kalojë pubertetin në sajë të “shpejtësisë” së tij. Pjesa më e madhe e ndryshimeve shkaktohen nga hormoni mashkullor i testosteronit, i cili fillon të prodhohet nga vetë trupi. Testosteroni prodhohet tek testikujt. Si pasojë e rritjes së sasisë së testosteronit, penisi dhe testikujt fillojnë të rriten. Po ashtu edhe qimet në pjesë intime të trupit, por edhe në pjesë të dukshme si mjekër, apo këmbë fillojnë të errësohen. Zëri fillon të bëhet më i thellë dhe në disa raste mund të trashet apo zbutet. Testikujt fillojnë të prodhojnë spermë, kjo do të vazhdojë të ndodhë për të gjithë jetën e mashkullit. Sperma çlirohet nga një lëng i bardhë i quajtur “farë”. Ndodh që fara të çlirohet nga penisi edhe kur mashkulli të jetë në gjumë. Kjo gjë njihet si ëndërr” e lagësht, është normale dhe aspak dëmshme. Disa njerëz mendojnë se madhësia e penisit mund të tregohet ashtu si ajo e këmbës, në sajë të karakteristikave trupore, por kjo nuk është aspak e vërtetë. Nuk është gjithashtu e vërtetë që masa e madhe e penisit e shton më shumë kënaqësinë seksuale tek partnerja e tij. Erekcioni mund të ndodhë atëherë kur nuk e prisni. Kjo mund të jetë e sikletshme, por në fakt është krejtësisht normale. Nuk është e nevojshme të “bësh derdhje”, për vite me radhë në mënyrë që të jeni të shëndetshëm. Puçrrat ose aknet mund të jenë një problem i zakonshëm. Larja e fytyrës me sapun, evitimi i ushqimeve me yndyrë, mund të jenë një mënyrë për të shmangur shfaqjen e tyre.
Puberteti mund të jetë kohë e fantazive dhe dëshirave të forta seksuale. Kjo ndjenjë mund të jetë hutesë dhe mund të shkaktojë të dyja ndjesitë, shqetësim dhe kënaqësi, por mos harroni, është pasojë e zhvillimit tuaj.

Si ndryshojnë marrëdhëniet pas lindjes së fëmijëve

Kam tetë vjet e martuar me bashkëshortin tim dhe kemi dy vajza. Im shoq mendon gjithmonë për seksin, por për mua nuk përbën shumë ndryshim nëse kryejmë marrëdhënie apo jo. Dëshiroj të kënaq tim shoq dhe të shijoj seksin, por në fakt e kam shumë të vështirë. Për të risjellë edhe një herë atmosferën në dhomën të gjumit kemi përdorur vajra, locione, qirinj madje edhe lodra seksi. Dikur isha shumë e dashuruar pas seksit, por tani nuk nxitem aspak. Kjo dëshirë e ulët ndaj seksit filloi të bëhej më e dukshme kur solla në jetë vajzën e dytë, por nuk i dhashë shumë rëndësi. Tani kjo gjendje ka filluar të më shqetësojë shumë, ndikuar edhe më shumë nga ndjenja ime e xhelozisë. Nuk dua kurrsesi që njeriu im i zemrës të më lërë për të marrë kënaqësi tek një femër tjetër shumë e zonja në krevat. Kam vendosur që të këshillohem me një specialist, do të bëj ç’të jetë e mundur për të risjellë edhe një herë kohët e arta të seksit në marrëdhënien tonë, për t’u ndjerë edhe një herë të rinj seksualisht.
Marrë nga “Channel 4”

Kur mund të ngatërrohet orgazma femërore

Jam një femër 62-vjeçare. U martova më moshën 23-vjeçare dhe për shume vite në vazhdim mund të arrija në orgazëm sa herë që im shoq më stimulonte klitorin. Pas kësaj kohe bashkëshorti im dhe unë përpiqeshim të stimulonim klitorin tim, por në fakt merrja një ndjesi të tillë sikur nuk doja të prekesha pasi arrija kulmin. (Pas një orgazme të rregullt duhet shumë kohë për të rifilluar sërish). Por në fakt kjo është ndjenja që kam provuar, një ndjenjë irritimi vetëm tek klitori dhe nuk kam arritur në orgazëm për plot 24 vjet. Kjo do të thotë se u bënë shumë vite që nuk marrë kënaqësinë që ka dëshiruar dhe se jeta jonë seksuale ka rënë në rutinë. Pasi u këshillova me një specialist ai më rekomandoi përdorimin e një vibratori, të cilin nuk duhet ta vendosja drejtpërsëdrejti tek klitori, por në zonën rreth tij. Gjithashtu më këshilloi përdorimin e një lubrifikuesi në mënyrë që të evitohej irritimi. Ndoshta nuk do ta besoni, por arrita të rifitoj orgazmën pas kaq shumë vitesh dhe të ndjeja kënaqësinë e dikurshme seksuale.
Marrë nga “Channel 4”

3 arsyet pse femrat kanë probleme me seksin

Eshtë seksi gjëja fundit që u shkon në mendje? A ju duhet shumë kohë për t’u nxitur dhe për ta arritur orgazmën? Nëse po, atëherë mund të keni “keqfunksionim” seksual dhe nuk e jeni e vetmja. Rreth 43% e femrave kanë paraqitur “keqfunksionim” seksual duke filluar nga dëshira zero për të bërë seks dhe deri tek vështirësitë në arritjen e orgazmës. Shumë faktorë mund të ndikojnë në kënaqësinë seksuale, duke filluar nga shkaqet mjekësorë, tek faktorët psikologjikë deri tek mosmarrëveshjet në çift. Për t’u ardhur në ndihmë këtyre vështirësive, studiuesja Rachel Grummam jep disa këshilla në artikullin e saj.
Depresioni
Gjendja jo e mirë shpirtërore karakterizohet nga ndjesitë e të qenit i mërzitur, i pavlerë, i lodhur, të cilat ndikojnë në jetën e përditshme, por padyshim edhe në jetën tuaj seksuale. Ende nuk është arritur të kuptohet shumë mirë se pse depresioni e ndikon seksin, por një pjesë e shkakut mund të jetë fakti që nuk ndiheni mirë me veten dhe vlerat tuaja, duke shtuar nivelin e ulët të energjisë “spërkat” edhe dëshirën për kënaqësi, pra për të bërë seks.
Çfarë mund të bëni?
Kërkoni ndihmën e duhur, sidomos nëse keni mendime të tilla si ideja për të kërkuar divorc. Ushtrime të ndryshme mund t’u ndihmojnë t’i risillni vetes buzëqeshjen, nivelin e energjisë duke rritur kështu nivelin e gjakut përveç se pjesët e tjera të trupit edhe tek organet gjenitale. Por vlen për t’u theksuar se disa mjekime të cilat përdoren për të kuruar gjendjen tuaj depresive mund të ulin dëshirën tuaj seksuale dhe të ketë një efekt krejt negativ për t’u bërë sërish aktiv në marrëdhënien tuaj.
Imazhi i dobët i trupit tuaj. Nëse mendoni se nuk keni një trup të bukur, duke filluar që nga duart dhe deri tek gjoksi, të jeni të sigurt se do të ndikoni negativisht dëshirën tuaj seksuale. “Nuk ka rëndësi nëse partneri ju thotë se jeni femra më e bukur dhe e nxehtë që ka takuar ndonjëherë, nëse nuk ndiheni e tillë, asgjë nuk mund të ndryshojë mendimin tuaj.
Çfarë mund të bëni?
Mendoni si në të kaluarën. Risillni në mend kohën kur ishit në top formë seksualisht dhe mendonit se ishit më e mira. Ajo çfarë vishnit, për shembull fustanin tuaj të zi të preferuar, çfarë parfumi përdornit, çfarë të brendshmet preferonit etj. Kjo mund t’u ndihmojë të sillni në mend zakonet dhe “intrigat” tuaja seksuale të dikurshme. Përkujdesja për fizikun dhe pamjen tuaj të jashtme mund t’u dhurojnë më shumë energji dhe të shtojnë edhe më shumë dëshirën për seks.
Problemet në çift
Padyshim që problemet në çift mbeten numri një, i cili ndikon më shumë eksitimin dhe orgazmën tuaj. “Është hidhërimi dhe mërzia e pathëne që çon në fyerje, shumë meshkuj mund të mërziten nga bashkëshortja e tyre që nuk i lë të dalin me shokët dhe të marrin kënaqësitë e djalërisë, ndërsa tek femrat mërzia shkaktohet nga puna e bashkëshortëve”, thotë studiuesja Rachell Grumman. Kjo mërzi nga ana e dy partnerëve mund të “hedhë tutje” pasionin dhe epshin tuaj seksual.
Çfarë mund të bëni?
Flisni hapur me partnerit tuaj, por me qetësi në mënyrë që të lini mënjanë mërzinë dhe fyerjet, të cilat dëmtojnë aq shumë marrëdhënien tuaj. Duhet të ndiheni e sigurt, e qetë dhe e dëshiruar, në të kundërt një diskutim i vogël mund të bëhet shkak për të lënë për ditë të tëra pas dore aktivitetin seksual.
Marrë nga “Panorama. It”

Si transmetohen sëmundjet seksuale

Klamidia është një sëmundje seksualisht e transmetueshme, e shkaktuar nga organizmi. Sëmundjet seksualisht të transmetueshme u referohen çdo sëmundjeje ngjitëse të transmetuar nga një individ tek tjetri gjatë kontaktit seksual.
Çfarë ndodh në trup?
Organizmi shkakton infeksionin e klamidias. Ajo infekton qelizat dhe shkakton një sërë ndryshimesh. Kjo sëmundje mund të kalojë nga njëri partner tek tjetri gjatë kontaktit seksual, por mund të kalojë edhe tek fëmija gjatë lindjes së tij, nëse nëna është e infektuar. Infeksioni i klamidias mund të përfshijë në pjesën më të madhe të rasteve një nga këto pjesë të trupit: Kanalet urinare, zverkun ose legenin e trupit të femrës. Fytin, nëse praktikohet seksi oral, sytë apo mushkëritë e foshnjës të cilat janë të ekspozuara ndaj infeksionit të klamidias të nënës gjatë lindjes. Shumë infeksione të klamidias nuk shkaktojnë simptoma, për këtë arsye partneri seksual mund të ekspozohet ndaj kësaj sëmundjeje pa e ditur edhe vetë partneri që mbart këtë infeksion. Nëse një fëmijë është infektuar nga klamidia që pas lindjes së tij, atëherë mund të paraqesë shqetësime në sy apo në frymëmarrje.
Klamidia kalon nga njëri partner tek tjetri gjatë kontaktit seksual, por duhet theksuar se çdo kontakt tjetër intim i organeve gjenitalë, gojës, zonës rektale, apo edhe lodrat e seksit mund të jenë shkas për kalimin e sëmundjes tek partnerët. Personi që rrezikohet më shumë është ai/ajo që ka më shumë se një partner seksual ose që nuk përdor masa mbrojtëse gjatë seksit.

Problemet që lindin kur vjehrrat janë në mes

U martova para më shumë se 8 vjetësh, por edhe pse vitet kalojnë historia përsëritet dhe mbetet e njëjtë. E njoha Klerin në një bar dhe pa u menduar gjatë pas disa takimesh vendosa të lidh jetën me të. Në fillim ishim shumë të lumtur të dy, pasi çdo gjë shkonte siç duhej, por kjo deri në ditën kur vizitat e nënës sime filluan të bëheshin më të shpeshta. Ajo stresohej dhe më thoshte se nuk ia kishte ënda për të bërë seks me mua. Edhe sot pas plotë tetë vjetësh, ajo vazhdon po kështu. Kler është 38 vjeç , ajo është shumë e matur dhe e keqja është se bëhet edhe më shumë nëse arrin të gjejë një justifikim. Ajo thotë se “nuk dua të bëj seks me ty sepse nëna jote ka ardhur të na vizitojë dhe nuk dua që të ajo të dyshojë për atë çfarë po bëjmë ne dhe të mendojë se është mungesë respekti ndaj saj”. E kam dëgjuar kaq shumë këtë fjali sa nuk di çfarë të bëj më, nuk di nëse duhet t’i them time mëje të vijë më rrallë apo të detyroj time shoqe të bëjë me forcë dashuri me mua.
Marrë nga “Channel 4”

Edhe pas një divorci mund t’ia nisësh nga e para

Gjithmonë kam menduar se diku, në një cep të botës ndodhej shpirti im binjak, i cili po priste për mua. Dhe, tani e kam gjetur atë. Mbaj çdo ditë dorën e tij, shoh sytë e tij të kaltër, prek lëkurën e tij të lëmuar. Ai është me mua. Ndonjëherë mendoj se jam në ëndërr, por fjalët e tij të ëmbla më bëjnë të kuptoj se po jetoj në një realitet, i cili vështirë se mund të ndahet nga ëndrra. Dhe, në fakt kur e mendoj më duket e pabesueshme mënyra se si u njohëm, si rrodhën gjërat dhe ne mundëm të lidheshim bashkë. Dikur jetoja në Çikago me bashkëshortin tim, i cili nuk më bëri të ndjehesha asnjëherë mirë pranë tij apo të vlerësoja veten ashtu siç e meritoja. Avokati im quhej Mark, u mor me divorcin tim dhe duke qenë se takoheshim vazhdimisht, kishim mundësi të njihnim më mirë njëri-tjetrin dhe të shihnin se mes nesh mund të lindte diçka. U desh pak kohë që unë të mësohesha me idenë që mund të rinisja përsëri jetën nga e para dhe të jetoja e lumtur, por dashuria dhe përkushtimi i tij ishin më se të mjaftueshme për të kuptuar se mundesha dhe mundem të jetoj jetën që kam ëndërruar gjithmonë.
Marrë nga “Channel 4”

4 rregullat që evitojnë seksin e rrezikshëm

Nuk mund të përcaktosh asnjëherë se kur mund të jepet mundësia për të njohur një femër/mashkull të bukur dhe të shkosh në shtrat me të. Në ditët e sotme numri i njerëzve që preferojnë seksin rastësor rritet, po ashtu rritet edhe numri i rreziqeve që mund të mbartin dhe si pasojë të transmetojnë atë. Këshillat që jep studiuesi Dave Martin për ata meshkuj apo femra që preferojnë të kryejnë marrëdhënie seksuale me një partner të bukur dhe shumë joshës të cilin porsa e kanë njohur janë:
1-Lini alkoolin
Sondazhi i aplikuar tregon se më shumë se 60 për qind e personave të cilët pranojnë se pinë alkool, pranojnë edhe se kryejnë marrëdhënie seksuale të pambrojtura ndërkohë që janë nën ndikimin e alkoolit. Por kjo nuk është aspak një çudi. Nëse i referohemi një studimi të mëparshëm, ka rezultuar se individët janë të prirur të pëlqejnë më shumë personat të cilët konsumojnë alkoolin, sesa ata që nuk e bëjnë një gjë të tillë. Por nga ana tjetër, mundësia për të marrë pjesë në një marrëdhënie seksuale të rrezikshme rritet në mënyrë të drejtpërdrejtë me tërheqjen dhe fuqinë seksuale të parterit që një individ zgjedh për ta bërë pjesë në rrezik. Gjithashtu në studimin e tij, specialisti Martin thekson se, edhe nëse personi nuk është i dehur, sa më i nxehtë të bëhet ai, aq më shumë i pëlqyer dhe joshës bëhet për të tjerët. Dhe, duke qenë se gjendja e një të dehuri bën çdokënd të seksit të kundërt të duket më tërheqës, ju mund të ndikoheni nga ky fakt dhe të shtoni gotat tuaja, por mund të arrijë një pikë ku askush nuk reflektohet ashtu siç është para syve tuaj dhe të gaboni. Ndaj është e rëndësishme të pini deri në atë fazë sa të mund të dalloni një femër/mashkull të mirë, në mënyrë që kur të zgjoheni në mëngjes të keni në krah një person i cili t’ia ketë vlejtur për pijen që keni konsumuar dhe epshin që keni dhuruar.
2- Mos u ndikoni nga paraqitja e jashtme
Si meshkujt edhe femrat mendojnë se nëse një femër/mashkull tregon kujdes ndaj paraqitjes së jashtme, duke qenë i vëmendshëm edhe ndaj detajit detyrimisht është i pastër edhe në marrëdhënien seksuale. Por është vërtetuar se kjo nuk është aspak e vërtetë. Deri tani të gjithë njerëzit të cilët kanë pasur sëmundje seksualisht të transmetueshme, nuk kanë pasur pamjen e një varfanjaku apo që nuk kujdeset ndaj vetes. Avokatë, doktorë, ministra, njerëz të këndshëm, atletë, punëtorë fabrikash, të gjithë janë të ekspozuar njësoj ndaj sëmundjeve seksualisht të transmetueshme.
3- Mendoni për veten tuaj
Edhe pse në ditët e sotme flitet për masa mbrojtëse kundër shtatzënisë apo sëmundjeve të transmetueshme gjatë kontaktit fizik, vetëm një gjë është e sigurt. “Mënyra e vetme për të mos marrë asnjë sëmundje është të mos kryesh fare marrëdhënie seksuale me të panjohur”. Gjithsesi është e rëndësishme që për njerëzit të cilët e kanë në plan të parë aktin seksual të mbajnë gjithmonë parasysh përdorimin e prezervativëve, në mënyrë që të ulin rrezikun e një sëmundjeje seksuale apo një fëmijë të padëshiruar.
4- Flisni
Nisur nga një studimi i kryer para një viti, rezulton se më shumë se 38% i homoseksualeve apo biseksualëve, meshkujt të cilët ishin infektuar nga SIDA nuk kishin biseduar rreth mbartjes së kësaj sëmundjeje me partneret e tyre. Ndaj këshilla më e mirë, sipas Dave Maritin, është të flisni me parterin për seksin dhe gjithçka që e ndikon apo ka të bëjë me të. Por gjithashtu kaloni kohën duke biseduar me njëri-tjetrin për familjet, për dëshirat tuaj, për ta ardhmen, pasi këto ndikojnë mjaft pozitivisht në krijimin e një marrëdhënieje të fortë.
Marrë nga “news week”

Dashuria që nisi në një bar, përfundoi në fejesë


Historia ime e dashurisë filloi në maj të këtij viti, kur njoha Lezin në një kafene. Ai jeton në Kanada, edhe pse origjina e tij është hungareze, ndaj dhe nisëm të bisedojmë atë mbrëmje. Biseduam shumë gjatë atë natë, ai më tregoi se kishte ardhur në Hungari me pushime dhe se së shpejti do të rikthehej përsëri atje. Duke marrë parasysh këtë fakt, në fillim mendova të mos ruaj asnjë kontakt më të, por fjalët dhe shikimi i tij më bënë të ndërroj mendje dhe t’i jap numrin tim të telefonit. Ditën tjetër ai më telefonoi për të më ftuar të darkoja me të, dhe unë sigurisht që pranova. Nuk mendoj se do ta harroj ndonjëherë ato dy orë, ai fliste aq bukur dhe pas çdo fjale të tij kuptoja se më tërhiqte edhe më shumë. Pas më pak se dy javësh ai u kthye sërish në Kanada, por nuk më harroi. Nuk kaluan më shumë se dy muaj dhe ai erdhi në Hungari për të më kërkuar të shkoja të jetoja me të. Tani jemi të fejuar bashkë, në pritje për të marrë një vendim dhe për të caktuar datën e martesës.
Marrë nga “R&R”

Kënaqësitë profesionale nuk plotësojnë ato seksuale


Hendi, 32 vjeç, një nga menaxherët më të mirë të kompanisë që ai punon, shprehet se e ndjen vetën shumë të paplotësuar, duke mënjanuar vetëm kënaqësinë që i ofron profesioni. “Kur isha i vogël e imagjinoja veten të pasur, me pozitë dhe me një femër shumë të bukur në krahë, por nëse dy të parat i kam arritur, kjo e treta më duket shumë e largët”, thotë ai. Hendi tregon se në këto 32 vjet ka qenë vetëm një herë i lidhur dhe lidhja e tij ka përfunduar, pasi e braktisi e dashura. “Kam vuajtur shumë kur Elena më la, pasi ishte dashuria ime e parë, por më shumë më dhemb fakti që ende nuk kam mundur të krijoj një lidhje tjetër”, vazhdon ai. Kanë kaluar plot 8 vjet nga dita kur ai ka thënë për herë të fundit fjalën “të dua”, por ai thekson se ende shpreson në shpirtin binjak dhe e di që një ditë do ta takojë atë”. Shpresa vdes e fundit, e di që një ditë do të takoj një vajzë, e cila do të shohë përtej pamjes sime së jashtme, aspak simpatike, për të vlerësuar atë që duhet të vlerësojë në të vërtetë, zemrën dhe inteligjencën time”, përfundon 32-vjeçari.
Marrë nga “R&R”

Si të mësosh të fantazosh


Nëse e keni të vështirë të fantazoni, atëherë një nga zgjidhjet më të mira është të “merrni mësime” për të. Filloni të shfletoni libra erotikë, të lexoni revista me këshilla të ndryshme, të cilat ndikojnë pozitivisht jetën tuaj seksuale dhe, më e rëndësishme, shikoni filma romantikë në prani të partneres suaj për të parë reagimin e saj.
Të kuptosh fantazitë
Nuk është e lehtë të kuptosh fantazitë e dikujt tjetër, pasi, si për çdo gjë tjetër, shijet e fantazisë seksuale janë të ndryshme. Të shprehësh lirshëm fantazitë rreth aktiviteti seksual, mund të jetë një situatë e sikletshme, sepse asnjëherë nuk dihet se cili do të jetë reagimi i personit që keni përballë, i cili mund të ndajë një opinion krejt tjetër nga ju. Gjithsesi rruga më e mirë është të flisni rreth këtyre fantazive me parterin, pasi kjo do të shtonte besimin mes jush dhe do t’i jepte edhe më shumë atmosferë jetës suaj intime.
Çfarë fantazojnë meshkujt
Të bëjnë seks me femrën që kanë në krahë, nëse nuk kanë arritur ende në atë pikë
Të japin dhe marrin seks oral
Të kenë marrëdhënie seksuale me më shumë se një partnere
Të jene dominues
Të rijetojnë një përvojë të kaluar, por jo shumë të largët
Të shohin të tjerët ndërsa bëjnë seks
Të provojnë pozicione të reja seksuale
Çfarë fantazojnë femrat
Të bëj seks me parterin e tyre, nëse nuk kanë kryer ende marrëdhënie
Të japin dhe marrin seks oral
Të bëjnë seks me një partner të ri
Të kryejnë kontakt intim në vende romantike, por edhe të ndaluara
Të rijetojnë një përvojë seksuale të kaluar
Të jenë të parezistueshme
Të provojnë pozicione të reja seksuale