Testi i ri i dashurisë që zbulon suksesin e martesave

by Lajmëtari Shqip  |  at  03:15
Shkencëtarët kanë hartuar një test të ri dashurie, që sipas tyre është një matës i mirë i martesave të lumtura ose jo

Studimi


Kërkimi mbështet idenë se reagimet e pavetëdijshme ndaj një fotoje të partnerit ose partneres mund të jenë një parashikues i dobishëm i të ardhmes së martesës.
Studimi i publikuar në Journal Science tregoi se ata që kishin një reagim negativ kishin më shumë gjasa të ishin të palumtur vite më pas.
Autori i studimit, Xhejms Meknulti (James McNulty) nga Universiteti shtetëror i Floridës, thotë se testi i ri mat ndjenjat e vërteta të sapomartuarve kundrejt njëri-tjetrit, ndryshe nga sa ata shprehen te të tjerët apo ia pranojnë vetes.
Përgjigjet e menjëhershme të ndërgjegjes së brendshme duket se janë shumë të fuqishme në parashikimin e çifteve që do të vazhdojnë ta ruajnë lumturinë vite më pas.
Skuadra e kërkuesve që u morën me studimin intervistoi 135 çifte të sapomartuara menjëherë pas dasmës. Hulumtuesit iu kërkuan atyre ta vlerësonin martesën me terma pozitivë dhe negativë që nga “mirë”, “keq”, “e kënaqshme” dhe “e pakënaqshme”.
Më pas ata matën reaksionet e pavetëdijshme të secilit duke përdorur testin intrigues të dashurisë. Këtu përfshihej shikimi i fotografisë së njëri-tjetrit për një të tretën e sekondës.
Pjesëmarrësve në studim u duhej të përgjigjeshin sa më shpejt të ishte e mundur me fjalë si “e mrekullueshme”, “e paparë”, “e tmerrshme” dhe “e frikshme”.
Shpejtësia sipas të cilës përgjigjeshin luante rolin kyç në shprehjen e ndjenjave të vërteta, tregojnë kërkuesit. Testi u bazua në parimin psikologjik të shoqërimit.
Mendohet se pas shikimit të rrufeshëm të një fotoje të partnerit ose partneres, në mendjen e të sapomartuarve krijohej një mendim pozitiv ose negativ.

E mrekullueshme apo e frikshme?

Nëse tek ata krijohej një gjendje pozitive, pjesëmarrësit e studimit shpreheshin me fjalë si “e mrekullueshme” ose “e paparë” më shpejt sesa kur thoshin fjalët negative që i vinin në mendje prej imazhit të paraqitur për shumë pak çaste.
Studiuesi Meknulti dhe skuadra e tij zbuluan se përgjigjet që dhanë të porsamartuarit ishin të gjitha pozitive dhe secili ishte shumë i lumtur me zgjedhjen që kishte bërë. Por përgjigjet e nënvetëdijshme nga testi i dashurisë varionin dukshëm.
Studiuesit i intervistuan çiftet çdo gjashtë muaj për katër vitet e ardhshme. Rezultoi se përgjithësisht, ata që kishin dhënë përshtypje negative të pavetëdijshme në të ardhmen ose ishin të palumtur ose po përjetonin divorc.
“Të gjithë duan të besojnë se janë pjesë e një marrëdhënieje të mirë dhe njerëzit mund ta bindin veten se janë, por niveli i reagimeve të tyre të sinqerta dhe të menjëhershme tregon të vërtetën për marrëdhëniet e tyre”, thotë autori i studimit.
Testi mat prezencën ose mungesën e ndjesive negative në lidhje me martesën e sapolidhur. “Njerëzit mund të kenë dashuri dhe ndjenja negative në të njëjtën kohë dhe testi i nxjerr këto ndjesi në pah”, u shpreh Meknulti.
Megjithatë, sipas studiuesve kërkimet nuk janë akoma në gjendje të përcaktojnë me saktësi ndjesinë e çifteve përpara se këta të martohen. Kështu që e vetmja gjë që mund t’u ofrohet atyre që janë akoma të lirë apo në një marrëdhënie që s’ka përfunduar në martesë, është të dëgjojnë zërin brenda vetes.


“Mendoj se këshilla më e mirë do të ishte që cilido t’i kushtonte vëmendje ndjesisë që merr nga kontakti vizual me partnerin ose partneren. Nuk mendoj se ky duhet të jetë faktori i vetëm që duhet të ndikojë tek opinioni për dikë, por është i rëndësishëm dhe s’duhet nënvlerësuar”, përmbyll studiuesi, i cili mundësoi hulumtimin.

Pozitat seksuale për intimitet më të madh

by Lajmëtari Shqip  |  at  14:17

Pozitat seksuale që garantojnë intimitet më të madh me partnerin janë shala, kyçet dhe faqe në faqe- në pozitën shalë kërkoni me duar, në kyçe partneri ju bën masazh, ndërsa pozita faqe më faqe ju mundëson pëshpëritje…
Pozita shalë
Partneri le të ulet në karrige, ndërsa partnerja atij në prehër, me gjunjë të mbledhur e të qitur në anët e ijëve të partnerit – në pozitën ulëse.
“Pozita ku jeni të sjell njëra kah tjetri është e mirë kur doni të tregoni dashuri dhe afërsi , shikoheni në sy gjatë seksit, apo e prekni personin tjetër sa të mundeni’, shpjegon Marisa Benet autorja e librit seksual “Pesëdhjetë nuancat e ekstazës”, duke shtuar “ Të gjithë në parim ndjekim të njëjtën rutinë dhe lehtë është t’i gjesh ato pika të njëjta që i prekim secilën herë. Andaj kur ta provoni këtë pozitë, lërini duart le të luajnë në mënyrë tjetër”.
Kyçet
Kjo pozitë është intime, por mund të shkaktojë mpirje në shpinë dhe krahë. Andaj vaji për masazh le të jetë afër duarve tuaja. Kjo është pozitë fantastike sepse partnerja është në një rol tjetër, që juve ju mundëson të afroheni njëri me tjetrin.
Krevati si mbështetës
Nëse dëshironi të shikoheni në sy në pozitën në këmbë, përdoreni krevatin. Partneri le të rrijë afër krevatit i kthyer me shpinë, ajo le ta përqafojë me duar, t’i ngrisë këmbët në krevat dhe t’i vejë thembrat në secilën anë të trupit të partnerit. Ai me një dorë e tërheq kah vetja, ndërsa tjetrën e mbanë në koshin e saj si mbështetëse. Ajo mundet duke u mbështetur në krevat të ngitet e të ulet.
Faqe më faqe
Ajo është e shtrirë në bark në qoshe të krevatit dhe luan me duar në tokë . Partneri shtrihet përmbi te, ndërsa dorën e vendosë në tokë afër saj. Duke marrë parasysh që ai mbahet me duar në tokë, nuk do ta shtypë gjoksin tuaj. Kështu do të mund të jeni faqe më faqe dhe t’i thonë njëri tjetrit çfarë të dëshironi. /femra

Orgazma – ja përse shtiren femrat!

by Lajmëtari Shqip  |  at  19:09
Femrat dinë të shtiren mirë, madje edhe në shtrat! Artikulli i mëposhtëm ju njeh me arsyet e vërteta se pse ato shtyhen drejt një orgazme false

Nga studime të ndryshme rezulton se të gjitha femrat janë shtirur për një orgazëm të paktën një herë të vetme në jetën e tyre dhe madje për disa, kjo është një gjë krejt normale. Zakonisht, burrat nuk e vënë re dhe nuk e kuptojnë se përse duhet të bëhet diçka e tillë nga ana e tyre. Ja atëherë arsyet më të zakonshme se përse një femër vendos të shtiret për orgazmën.
Dëgjoni rënkime dhe ju duket si një orgazëm…po shtiret? Ndoshta është një vajzë që shpreh ndjesitë e saj në një mënyrë shumë të hapur, ndërkohë disa rënkojnë shumë, dhe disa të tjera janë më të qeta, edhe pse kënaqësia që ndiejnë është e njëjtë. Por nga ana tjetër, ka shumë mundësi që nuk ka arritur akoma orgazmën, sepse është një femër veçanërisht ekspresive.
Nuk duan të lëndojnë partnerin
Ajo është e bindur se nëse nuk arrin orgazmën, ai mund të ndihet i frustruar dhe të mbetet keq. Po ka mundësi që edhe ajo të ketë përjetuar orgazmën dhe të ndihet e pafuqishme, ose mund të bëhet fjalë për diçka që ajo e imagjinon të ndodhë, edhe pse nuk është e vërtetë. Sidoqoftë, preferon më mirë të shtiret, sesa të përballojë një situatë që mund të jetë e pakëndshme për partnerin.
Nuk dinë të shprehin dëshirat e veta
Që nga fillimi i lidhjes, ajo do të donte t’i thoshte partnerit se në një farë mënyre, diçka nuk shkon mirë; për shembull lëvizjet duhet të ishin më të shpejta apo të ngadalta, përkëdheljet duhet të ishin më të shumta, puthjet më të shpërndara…por nuk ia arrin dot. Nuk i shpreh ndjenjat e veta, ose i vjen turp ta bëjë këtë dhe padyshim se partneri nuk është një “maestro” i telepatisë! Kështu që më shumë sesa të përballojë sikletin për të thënë gjithçka që do, ajo preferon të shtiret.
Nuk duan të shqetësojnë partnerin
E arrin kënaqësinë lehtësisht, por atë ditë nuk ndodh, kushedi përse! Mendon se, nëse partneri nuk i beson që ka arritur orgazmën, ai mund të mendojë se ka nevojë për diçka, që është e nevrikosur, ose që nuk e dëshiron atë. Në këtë mënyrë, duke u shtirur për orgazmën, shmang dhënien e shpjegimeve.
Ndiejnë dhimbje
Niveli i eksitimit ishte shumë i lartë, pothuajse drejt orgazmës, por një ndryshim pozicioni, i ritmit, ose i përqendrimit, e kanë ndalur atë drejt “shpërthimit” final. Duke arritur në një pikë kaq të lartë eksitimi, gjenitalet janë shumë të ndjeshme dhe ndonjëherë stimulimi rezulton i bezdisshëm, ndaj vendos të shtiret, sepse e di që orgazma nuk vjen.
Mërziten
Prej ndonjë arsyeje të çfarëdoshme, ajo është lodhur nga raporti seksual, ndoshta ka zgjatur dhe është mërzitur shumë! Nëse nuk është më e eksituar, vendos që të shtiret për t’i përshpejtuar gjërat. Kjo është një arsye shumë e zakonshme, për të cilat gratë mund të stimulojnë orgazmën.
Ato kanë turp
Disa femra kanë turp nga rënkimet, apo shprehjet e fytyrës që mund të bëjnë kur arrijnë kulmin e kënaqësisë. Orgazma false u lejon atyre që t’i kontrollojnë të gjitha këto aspekte. Kanë frikë të humbasin kontrollin dhe për këtë motiv, limitojnë kënaqësinë e tyre.
Ndiejnë presion
E kupton se partneri po përpiqet të bëjë durim që të presë edhe atë për të arritur përnjëherësh kënaqësinë. E dinë që ju mbetet edhe pak, por nervozizmi u shtohet ndërsa ai është duke e pritur, ndaj vendos të shtiret dhe të heqë përgjegjësinë e orgazmës së atij.
Lodhen
Kohëzgjatja e seksit mbivlerësohet. Por aktet seksuale të cilat zgjasin shumë, bëhen të mërzitshme dhe madje edhe të dhimbshme! Ka mundësi që partneri i saj të jetë një kampion i rezistencës, por ajo nuk është e eksituar. Nëse do t’i thotë se do të ndalojë pa arritur orgazmën mund ta fyejë, ndaj preferon të shtiret për të përfunduar aktin.
N.A

Ja 6 këshillat për të rritur përmasat e gjinjve.

by Lajmëtari Shqip  |  at  03:12

Kujdes me ushqimin- Për të rritur përmasat e gjinjve duhen konsumuar ushqime që përmbajnë estrogjene si bishtajat, bizelet, fasulet, soja, fara kungulli, fara luledielli, sallatë jeshile etj.
Akull- Aplikoni mbi gjinj kuba akulli çdo tre ditë, për disa minuta.
Masazhojini- Masazhimi i gjinjve çon në tonifikimin e tyre dhe në rritjen e volumit.
Palestër- Ekzistojnë stërvitje fizike që tonifikojnë gjinjtë, të cilat praktikohen lehtësisht në palestër me ndihmën e instruktorit.
Jo dush të ngrohtë- Uji i ftohtë favorizon tonifikimin e gjinjve dhe forcimin e tyre, larja me ujë të ngrohtë i bëno gjinjtë më të qulltë.
Kujdes me qëndrimin- Qëndrimi i duhur është i rëndësishëm për të ruajtur formën e gjinjve. Në këtë drejtim këshillohet që të mbani shpatullat drejt.

Nuk duhet mashkulli të ju shkaktojë orgazëm – ajo është përgjegjësi e juaja

by Lajmëtari Shqip  |  at  23:14

Trejsi Koks, eksperte e njohur për çështjet seksuale, thotë se barriera e lidhur me orgazmën mund të tejkalohet. Mosnjohja e vetë trupit tonë është problemi më i zakonshëm. Ajo na sjell ca këshilla se çfarë duhet të bëni që të arrini orgazëm.
1)    Ndryshoni qëndrimin
Një ndër pengesat më të shpeshta për arritje të orgazmës është qëndrimi i juaj ndaj seksit. Nëse e kuptoni seksin si “të ndytë” dhe “të turpshëm”, duhet të kuptoni se seksi dhe kënaqësia të cilën e sjell ai – janë gjëra tejet normale.
2)    Pranoni faktin se duhet të lexoni për orgazmën
Orgazma femërore nuk është automatike dhe shumë pak ka gjasa që orgazmën e parë ta përjetoni gjatë seksit me partnerin. Pothuajse shumica e femrave orgazmëne parë e përjetojnë gjatë masturbimit, andaj më mirë është të bleni ca libra rreth orgazmës dhe të hulumtoni vetë, dhe ashtu do t’i hiqni barrierat.
3)    Pranoni përgjegjësinë për kënaqjen e vetvetes
Mendoni se mashkulli është përgjegjës për orgazmën tuaj? Orgazmën nuk mund të ua “ofrojë” askush, ju vetë duhet ta lejoni të ndodhë. Orgazma arrihet kur të dy e dini se çfarë dëshironi dhe çfarë duhet të dini që të arrihet ajo.
4)    Mësoni veten të masturboni
Më shumë do të mësoni për trupin tuaj dhe mënyrën se si reagon ai nëse përdorni gishtërinjtë. Mësohuni se në cilat pika ndjeheni më mirë dhe mundohuni të arrini orgazëm vetëm me ndihmën e gishtërinjve.
5)    Mësoni partnerin si të ju ndihmojë
Kur mësoni vetë se si të arrini orgazëm, mësojeni edhe partnerin se çfarë duhet të bëjë, sepse vetë do t’i duhet shumë kohë. Duhet të keni parasysh të mos flisni në mënyrë urdhërore por me butësi të shpjegoni se çfarë ju pëlqen.
6)    Ndryshoni mënyrën se si e vështroni trupin tuaj
Shumë femra nuk përjetojnë orgazëm sepse mendojnë se parterët nuk i konsiderojnë atraktive, andaj shumë kohë gjatë seksit ato mendohen në vend se të koncentrohen në seks. Ja një fakt, shumica e meshkujve eksitohen kur shohin një femër lakuriqe, pa marrë parasysh format e saja trupore. Nëse nuk ndjeheni mirë me trupin tuaj atëherë shkoni në palestër dhe keni kujdes me ushqimin. Megjithatë nëse ndjeheni mirë ashtu si jeni, injoroni çdo mangësi dhe duajeni çdo centimetër të trupit tuaj.
7)    Mos u mundoni tepër
Truri juaj duhet të jetë i zënë me ndjenja dhe kënaqësi e jo me mendimet se duhet patjetër të përjetoni orgazëm. Përdoreni psikologjinë e mbrapshtë, kur të masturboni apo bëni seks thuani vetes se nuk do të arrini orgazëm, ndoshta ndodh e kundërta.
8)    Mendoni për lidhjen tuaj
Nëse partneri juaj ju thotë fjalë të këqija, normalisht se nuk do të jeni në gjendje të arrini orgazëm me të. Andaj gjeni ndokend që ju meriton, nëse partneri juaj është i mrekullueshëm, ju dashuron dhe dëshiron të ju ndihmojë, atëherë aplikoni këshillat paraprake./femra

10 këshilla për konceptim më të shpejtë

by Lajmëtari Shqip  |  at  23:41
Për shumë çifte konceptimi është proces i pakuptueshëm i cili lindë qindra pyetje si: “A është me rëndësi se kur kemi marrëdhënie seksuale?”, “A ndikon pozita seksuale në mundësitë e konceptimit?”, “Vallë seksi në ditët pjellore do të thotë shtatzëni?” etj.


Informatat e shumta dhe këshillat në lidhje me shtatzëninë ndonjëherë ndikojnë në mënyrë konfuze për çiftet të cilët për herë të parë ndeshen me temën e konceptimit, por është fakt se disa prej tyre mund të kenë rëndësi vendimtare për krijimin e jetës së re. Edhe pse nuk ekziston formulë magjike për të “bërë” një bebe, respektimi i këshillave vijuese gjatë kohës së seksit mund të ju ndihmojë në rritjen e mundësive që sa më shpejtë të bëheni nënë.

Gjithçka është te koha.

Femrat lindin me 1-2 milionë qeliza vezë, por vetëm 300 – 400 prej tyre do të jenë të liruara gjatë kohës së ovulimit. Më shpesh vezorët lirojnë vetëm nga një qelizë vezë të pjekur në muaj. Gjatë muajit ekzistojnë vetëm disa ditë pjellore kur sperma mund ta fekondojë qelizën vezë (më shpesh ato ditë janë nga dita e 11 deri më ditën e 14 nga fillimi i ciklit menstrual). Pasi që të lirohet qeliza vezë nga vezorja ajo e fillon rrugën e saj në tubat fallopiane (vezë përçuesit) deri tek mitra dhe është në gjendje për fekondim vetëm 12 – 24 orë. Nëse gjatë kësaj periudhe ajo nuk fekondohet, ajo resorbohet në mitër dhe mundësia për shtatzëni humbet deri në muajin e ardhshëm, kur i njejti proces do të fillojë përsëri. Prandaj, më rëndësi të veçantë është të dini se kur janë ditët tuaja të pjellshme, dmth kur jeni në ovulim.

Seks para dhe jo pas ovulimit.

Shumë çifte bëjnë gabime kur presin të ndodhë ovulimi, e pastaj të kenë marrëdhënie intime. Mundësitë për të mbetur shtatzëne janë më të vogla nëse keni seks disa ditë para ovulimit, sepse sperma mund të jetoje në traktin reproduktim të gruas prej 3 deri më 5 ditë, por zakonisht rreth 72 orë. Shumica e specialistëve janë të mendimit se nëse keni marrëdhënie gjatë kohës së tre ditëve para ovulimit, gjatë ditës së ovulimit dhe ditës pas ovulimit është strategjia më e mirë për të mbetur shtatzënë.

Bëni seks shpesh, por jo edhe më shpesh.

Është e vërtetë se seksi i rregullt përmirëson kualitetin e spermës, por seksi për çdo ditë sjell në zvogëlimin e numrit të spermatozoidëve, e me këtë dhe mundësitë për të mbetur shtatzëne. Shumica e ekspertëve rekomandojnë që deri sa mundoheni të mbeteni shtatzëne, të keni marrëdhënie çdo të dytën ditë. Në këtë mënyrë do të ruhet numri i spermatozoidëve, e përveç kësaj, nuk do t’i humbasni ditët pjellore.

Shmangni lubrifikantët.

Edhe pse lubrikantët e bëjnë seksin më të këndshëm, duke e rritur lagështinë vaginale, ato mund t’i zvogëlojnë shanset për të mbetur shtatzëne. Shumica e librikantëve ndikojnë në lëvizshmërinë e spermatozoidëve dhe i parandalojnë që të arrijnë tek qeliza vezë. Gjithashtu, kemikatet që hyjnë në përbërjen e lubrikantëve shkatërrojnë një pjesë të spermatozidëve. Gjithashtu edhe pështyma ndikon në lëvizshmërinë e spermatozoidëve, prandaj është mirë që t’i shmangeni edhe seksit oral para marrëdhënieve intime. Nëse jeni duke u përpjekur të mbeteni shtatzëne, shmangni lubrikantet artificiale. Trupi juaj krijon lubrikante natyrale – mukusi cervikal i cili është ideal për transportimin e spermës.

Zgjedhni pozitën për konceptim e cila mundëson penetrim të thellë.

Edhe pse mjafton vetëm një spermatozoid të arrijë në qelizën vezë, teknika më e mirë për konceptim është rritja e numrit të spermatozoidëve që do të arrijnë te ajo. Spermatozoidët udhëtojnë nëpërmjet mukusit cervikal, pavarësisht nga çdo gjë, por ekspertët janë të mendimit se disa pozita seksuale mund të jenë në ndihmë që të arrijnë tek qeliza vezë, për dallim nga pozitat tjera. Rekomandohen pozita misionare dhe ajo e qenit, si dhe pozita kur që të dy partnerët janë të shtrirë anash.

Praktikoni seks në mëngjes.

Orët e hershme të mëngjesit jo vetëm që e rrisin nivelin e testosteronit tek meshkujt, por edhe numri i spermatozoidëve është më i madh sesa në mbrëmje. Prandaj, për këtë arsye seksi në orët e mëngjesit rritë mundësitë tuaja për konceptim.
Edhe pse ekziston mundësi që të vonoheni për në punë – do të vonoheni me buzëqeshje në fytyrë.

Largohuni stresit dhe relaksohuni.

Shumë femra mendojnë se fekondimi do të ndodhë menjëherë pas përpjekjes së parë. Për fat të keq, realiteti është ndryshe. Edhe çifti më i shëndetshëm ka vetëm 20-25% mundësi të konceptohet gjatë periudhës një mujore. Zakonisht ne femrat pas disa tentimeve të pasuksesshme mbulohemi me emocione negative, kurse kjo na sjellë stres më të madh.
Stresi është njëri nga arsyet për mungesë të ovulimit tek femrat. Edhe pse ai vet në vehte nuk ndikon në procesin e konceptimit, vet mungesa e ovulimit mund ta anulojë konceptimin. Mos lejoni që seksi të ju kalojë në obligim dhe të ju krijojë stres dhe frustracione për çdo muaj. Seksi për konceptim duhet të ju mbushë me dashuri dhe respekt dhe jo të ju ndajë nga ato.

Orgazma femërore ndihmon.

Edhe pse orgazma femërore nuk është e rëndësishme kur mundoheni të mbeteni shtatzëne, ajo mund të ndihmoje. Kontraktimet muskulore të mitrës gjatë kohës së orgazmës ndihmojnë që sperma më shpejtë të tërhiqet deri te qeliza vezë e pjekur.

Pas ejakulimit, mbajeni penisin në vaginë.

Mbajtja e penisit në vaginë deri sa nuk mbaron erekcioni mund të ndihmojë që të parandalohet rrjedhja e spermës jashtë saj.

Qëndroni të shtrira në shpinë për 20 minuta pas mbarimit të seksit.

Shtrirja nuk është vetëm për dembela. Që spermatozidët të gjejnë rrugën e tyre deri te vezëpërçuesit, nevojiten rreth 20 minuta. Edhe pse shkenca nuk e vërteton, specialistët i këshillojnë femrat që mundohen të mbetetn shtatzëne që të qëndrojnë shtrirë rreth 20 minuta pas aktit seksual me një jastëk të vendosur nën vithe. Shtrirja në shpinë zvogëlon rrezikun nga rrjedhja e spermës nga vagina. Prandaj, mos kërceni nga shtrati menjëherë pas ejakulimit të partnerit duke vrapuar në toalet. Lejoni vehtes që graviteti të ju ndihmojë të bëheni prind. /Femina.

Si të bëheni “magnet” për meshkujt?

by Lajmëtari Shqip  |  at  23:40
Femra me tërheqje magnetike ka sharm dhe karizmë që nga distanca tërheq përfaqësuesit e gjinisë së kundërt.Sigurisht shumë herë jeni pyetur se si disa femra me bukuri mesatare janë aq të papërmbajtshme saqë meshkujt nuk mund ta largojnë shikimin nga ato.

Ata në vehte posedojnë X faktorin me të cilin aspirojnë të gjithë të tjerat.
Meshkujt janë krijesa vizuele. Ata e zgjedhin “gjahun” e tyre sipas asaj që e shohin, e pastaj kalojnë në njohjen e bukurisë së brendëshme. Por, derisa disa femra fokusohen vetëm në përmirësim të pamjes së tyre të jashtme, femra magnet e din që magjia e papërmbajtshmërisë është bashkim i bukurisë së brendëshme dhe asaj të jashtme.
Që të bëheni magnet për gjininë e kundërt, fillimisht duhet që ti largoni të gjitha barierat që ju bëjnë të pasigurta dhe të pakënaqura nga vetja, që ju ndalojnë të argëtoheni dhe të kënaqeni në atë që jeni ju.
Ja se si ta shfaqni versionin tuaj më të mirë dhe të bëheni magnet për gjininë mashkullore:
  1. Silluni sikur një zonjë
    Meshkujt dëshirojnë femra që sillen sikur zonja. Mësoni si të lëvizni në mënyrë elegante, si të pezulloni lëvizjet që zbulojnë nervozizmin tuaj (lëvizje e këmbës, prekja e fytyrës, kafshimi i buzëve) dhe keni sjellje të mira. Femra magnet çdo herë e shfaqë feminitetin e saj, sepse e din që pikërisht ajo i çmend meshkujt..
  2. Mos u vishni për femrat, por për meshkujt dhe për vehte
    Kombinimet e modës që ndjekin tendencat e fundit ndoshta do të sjellin psherëtima tek shoqet tuaja, por tek meshkujt mund të kalojnë pa u vërejtur, edhe nëse kanë efekt të keq.
    Femrat kanë tendenca që të rregullohen për të impresionuar njëra tjetrën, e jo për ti magjepsur meshkujt. Për të “robëruar” shikimet e gjinisë më të fortë, më e rëndësishme është që të ndjeheni komote në atë që keni veshur.Ju mund të jeni të veshura në një fustan ekstravagant me qindra gurë me shkëlqim dhe megjithatë të mos arrini të merrni asnjë kompliment ose shikim magjepsës. Meshkujt pëlqejnë mënyrë më të thjeshtë të veshjes.Mund të jeni të pashangshme edhe në një fustan të thjeshtë të zi ose xhinse me bluzë të bardhë, derisa të dini se si ti mbani ato dhe përshtaten me stilin tuaj.
  3. Përdorni gjuhë pozitive joverbale
    Femrat arogante dhe të ftohta që aktrojnë pakapshmëri kanë edhe sukses më të vogël, sepse shkaktojnë negativitet që i largon meshkujt. Që të jeni krejtësisht e kundërta e tyre, duhet të tregoni se jeni të hapura për komunikim. Takoni shikimin e tij dhe mbajeni kontaktin me sy disa sekonda, buzëqeshni me “masë”, mbajeni kokën drejtë dhe argëtohuni.Zbuloni mënyrën tuaj unike të flirtit. Meshkujt nuk do të ju afrohen nëse bëheni të pakapshme dhe nëse nuk i jepni dritë të gjelbërt.
  4. Dilni me idenë se kërgoni argëtim, e jo partner
    Shumë femra me status “single” dalin me mendimin “Sot duhet të gjej një djalë”, e pastaj i zë gjumi të zhgënjyera në pritje të atij të vëretit. Të zëna me misionin e tyre ata humbasin argëtimin dhe kanë pamje të ashpër, kurse kjo aspak nuk është tërheqëse për gjininë e kundërt.Kur dilni jashtë, qëllimi juaj duhet të jetë argëtimi. Qeshuni. Buqëqeshja është arma më e fortë e një femre. Ajo reflekton personalitet miqësor dhe të ngrohtë – atë që e dëshiron çdo mashkull.
  5. “Ngjyrosuni” me të kuqe
    Ngjyra e dashurisë çdo herë ka tërhequr syrin e mashkullit. Të gjitha hulumtimet vërtetojnë se femrat të veshura në të kuqe janë më tërheqëse për meshkujt. Nxirreni fustanin e kuq nga vitrina juaj dhe mos u mendoni dy herë. Jo vetëm që do të bëheni magnet për shikimet e meshkujve, por edhe do të ndjeheni si “tërheqëse fatale”.
  6. Duajeni trupin tuaj
    Sharmi dhe pashmangshmëria nuk kanë asgjë të përbashkët me formën e trupit të femrës ose me kilogramët. Magjia e tërheqjes është në vetëbesimin, në mënyrën e të cilës femra kënaqet në lëkurën e saj, në vetëbesimin feminist të mbajtjes së trupit. Meshkujt nuk do ti vërejnë dy kilogramët e ri që ju çdo ditë i analizoni para pasqyrës nëse ndjeheni të kënaqura me ato.
  7. Angazhohuni dhe bëhuni aktive
    Qëndrimi i frenuar me shikim të “vdekur”, shikimi në ekranin e celularit, qetësia – nuk janë sinjale që pranojnë mesazh se ju jeni duke u kënaqur gjatë daljes në mbrëmje.Tregoni se jeni person argëtues dhe se rreth juve vazhdimisht ndodhë diçka interesante, që ai i cili ju shikon të dëshirojë të hyjë në botën tuaj. Luani, bisedoni me njerëzit rreth juve, qeshuni..
    Në këtë mënyrë edhe ju do të ndjeheni më të gëzuara, por edhe do ta intensifikoni tërheqjen tuaj.
  8. Mos i përqeshni anët e këqija të femrave të tjera
    Mos e përqeshni pamjen fizike të femrave tjera, e as sensin e tyre për modë, kryesisht kur jeni në shoqëri të kandidatit potencial të zemrës suaj. Komentet e këqija për fustan të shkurtë të femrës nga tavolina tjetër dhe make-upi i keq i femrës që kalon pranë juve nuk do ta rrisin popullaritetin tuaj tek meshkujt. Me përgojimin e tillë ju tregoni pasiguri, e dikush mund të mendojë se ju reflektoni xhelozi.Më mirë përmbahuni nga komentet mashtruese, për të mos humbur nga tërheqësia juaj.
  9. Mbizotëroni artin e bisedave sipërfaqësore të mbushura me humorPasi që kërkuesi trim do të vije tek ju, është me rëndësi që të shfaqni tërheqësinë e karakterit tuaj. Kuptohet, bisedat tuaja të para nuk do të jenë të thella, andaj komunikimi juaj do të reduktohet në biseda sipërfaqësore argëtuese. Edhe bisedat e lira mund ta shfaqin intelegjencën dhe sensin tuaj për humor. Mos i nënvlerësoni.
  10. Dhe ajo që është më e rëndësishme, keni vetëbesim se posedoni një tërheqje magnetike. 
    Sigurisht keni vërejtur se në ditët kur ndjeheni mirë dhe tërheqëse, fitoni më shumë komplimente dhe ju ofrohen më shumë njerëz.Ajo nuk është e rastësishme. Kur sytë tuaj shkëlqejnë në vetbesim, kur ndjeheni se mund ta rrënoni botën, njerëzit tjerë nuk mund ta injorojnë praninë tuaj dhe magnetizmin tuaj të papërmbajtshëm./Femina

Është grisur prezervativi gjatë seksit? Ç’farë pastaj?

by Lajmëtari Shqip  |  at  23:35
Prezervativët janë metoda më e përhapur për kontracepcion dhe mënyra e vetme të mbroheni nga sëmundjet ngjitëse seksuale. Por, e gjithë kjo nuk ju bën 100% të sigurtë.


Edhe pse nuk është paraqitje e shpeshtë, megjithatë ndodhë që prezervativi të griset gjatë kontaktit seksual. Në këtë rast mos bëni panikë, por jeni të përgatitur.

Kur duhet të jeni të shqetësuar?

Nëse vërtetoni që prezervativi është grisur pasi që partneri ka ejakuluar, rreziku nga shtatzënia e padëshiruar dhe sëmundjet seksualisht të transmetuara është i madh, kryesisht nëse keni marrëdhënie seksuale me partnerë të panjohur, transmeton Femina.al
Por edhe nëse e njihni partnerin tuaj dhe nëse i anashkaloni sëmundjet ngjitëse seksuale, çdo herë ekziston frika nga shtatzënia e padëshiruar.
Nëse prezervativi griset para se të ejakulojë partneri juaj, kjo nuk do të thotë se jeni të mbrojtur.
Edhe para ejakulimit tek meshkujt tajohet lëng i cili përmbanë spermë. Prandaj, rreziku nga shtatzënia e padëshiruar ose sëmundjet seksualisht të transmetuara edhe më tej është real.

Si të reagoni pastaj?

Që të mbroheni nga shtatzënia e paplanifikuar, nuk keni zgjedhjje të madhe – merrni tableta për kontracpection të shpejtë ose të ashtuquajtuart tableta “për një ditë pas”. Mund ti gjeni në të gjitha barnatoret, kurse më së miri është që ti merrni sa më shpejtë pas aktiti seksual.
Që të mbroheni nga sëmundjet seksualisht të transmetueshme, menjëherë pastrohuni me ujë të ngrohtë, duke mos përdorur produkte kosmetike. Kuptohet, kjo nuk do të ju mbrojë plotësisht nga sëmundet, por do ta zvoglojë rrezikun.
Nëse gjaku, sperma ose lëngu vaginal vie në kontakt me plagë të hapur, dezinfektojeni me alkool ose betadinë. Nëse e dini që partneri juaj vuan nga ndonjë sëmundje, menjëherë vizitoni mjekun specialist.
Për të qenë të sigurtë se nuk keni marrë asnjë sëmundje, bëni test për virusin HIV dy javë pas aktit seksual të fundit.

Këshilla

Për të mos kaluar në gjithë këtë proces të stresit dhe pritjes, ndiqni këto këshilla:
  • Mos i pëdroni dhëmbët, gërshërët ose ndonje mjet tjetër të fortë për të hapur paketimin e prezervativit;
  • Keni kujdes me thonjët derisa e vendosni prezervativin;
  • Partneri juaj duhet të përdorë prezervativë me madhësi të saktë. Nëse prezervativi është i madh është e madhe mundësia që ai të griset;
  • Keni kujdes që partneri juaj të shtypë pjesën e sipërme të prezervativit derisa e vendosë atë.
  • Në këtë mënyrë do të largoni krijimin e vakumit në prezervativ, i cili mund të shkaktojë pëlcitje të prezervativit.
  • Përdorni lubrikant në bazë të ujit. /Femina

Çka u pengon femrave më së shumti te partneri bashkëshortor?

by Lajmëtari Shqip  |  at  22:58

Për fat të keq, muaji i mjaltit nuk zgjat tërë jetën, ndërkaq pas disa muajve të parë do të keni rastin që të shikoni që jeta e përbashkët nuk është edhe aq përrallore dhe e shkëlqyeshme. Megjithatë, me pak angazhim dhe kompromis, jeta bashkëshortore do të bëhet e mrekullueshme.
Në vijim lexoni ato se ç’janë ato gjëra që më së shumti i pengojnë femrat:
Paraja, paraja, paraja. Rrallë ndodh kur mund të flasim normalisht për financat, e të mos ndodhin ofendime dhe grindje. Për fat të keq, paraja në raste të shumta ndikon në marrëdhëniet e bashkëshortëve.
“E di që tingëllon si klishe, mirëpo ai gjithandej i lë gjërat e veta. I pakujdesshëm është!”
“Kurrë nuk i dërgon fëmijët në aktivitete jashtëshkollore, as që kalon kohë të mjaftueshme me ta”.
“Në jetën time martesore janë të pranishëm tre persona: nëna e tij, ai dhe unë”.
“Nuk është mësuar të m’i “lexojë” mendimet. Thjesht çdo gjë që e bën, e bën ndryshe nga unë dhe kështu vazhdimisht më zhgënjen, ndërkaq këtë ai nuk e kupton”.
“Nuk do më shumë fëmijë, edhe pse unë dua ta lind edhe një”.
“Vonë e kam kuptuar, mirëpo mendoj që nuk pajtohemi seksualisht”.
“Nuk po kalojmë mjaft kohë me njëri-tjetrin. Midis punës, fëmijëve dhe punëve të shtëpisë, kam ndjenjën që nuk po mund ta shikoj në sy”.
“Nuk më ndihmon rreth punëve të përbashkëta”
“Jemi për së tepërmi bashkë. Kam nevojë për një dhomë izolimi”.
“Kurrë nuk më tregon se çka mendon. Është bërë sikur të jetë i huaj”.
“Gërhit sikur lokomotivë dhe asgjë nuk bën për ta eliminuar gërhitjen”.
“Është i preokupuar vetëm me sportin”.
“Nuk i respekton sukseset e mia në karrierë sikur të tijat”.
“Më shumë kohë kalon nëpër klube dhe kafene”.
“Mban lidhje në Facebook me ish të dashurën. Më falni, por unë nuk mund ta arsyetoj”.
“Nuk dalim më bashkë, nganjëherë ndihem sikur nënë vetushqyese”.
“Nuk bëjmë më seks si më parë, ndihem sikur të jemi bashkëbanues”.

10 fakte shkencore rreth dashurisë dhe seksit

by Lajmëtari Shqip  |  at  23:21

10 fakte shkencore rreth dashurisë dhe seksit

Zënkat dhe agresioni mes bashkëshortëve mund të vijnë ndonjëherë prej niveleve të ulëta të glukozës në gjak, thonë kërkuesit e Universitetit të Ohaios. Në një studim të këtij viti, ata u kërkuan 107 çifteve të martuara të testonin nivelin e sheqerit në gjak çdo natë dhe çdo mëngjes. U zbulua se niveli i ulët i sheqerit në gjak i bënte njerëzit të ndiheshin të uritur dhe shkaktonte irritim në çift.

Truri i disa njerëzve kërkon më shumë seks

Lidhjet që truri juaj mund të bëjë mes neuroneve ndikojnë në numrin e partnerëve seksualë, sipas një studimi të Universitetit të Kalifornisë. Kërkuesit kryen skanime truri te vullnetarët dhe zbuluan se ata që kishin tru më aktiv gjatë shikimit të pamjeve seksuale, kishin më tepër partnerë. Nivelet e motivimit seksual variojnë nga një person te tjetri.

Bashkëshortët kanë ADN të ngjashme

Shkencëtarët e dinin se njerëzit kishin prirje të zgjidhnin partnerë me karakteristika të ngjashme, por një studim amerikan ka zbuluar se njerëzit martohen me persona që kanë ADN të ngjashme me ta. Në fakt, ata llogaritën se tendenca për t’u çiftëzuar me një person të ngjashëm gjenetikisht ishte rreth 30 për qind më e fortë se tendenca për t’u martuar me një person me arsim të ngjashëm.

Martesa forcohet nëse shihni filma bashkë

Ndjekja e filmave së bashku mund të jetë një forcues i fshehtë, por i fuqishëm për martesën tuaj. Sipas një studiuesi të familjes dhe martesave, çiftet që ndjekin filma apo marrin pjesë në seanca këshilluese së bashku, rrezikohen 50 për qind më pak nga divorci. “Çelësi qëndron te bisedimi me partnerin për lidhjen tuaj në kontekstin e një filmi”, tha studiuesi.

Kolesteroli i ulët, performancë e lartë

Së bashku me dëmtimin e arterieve dhe punës së zemrës, niveli i lartë i kolesterolit mund të dëmtojë edhe jetën seksuale. Sipas studiuesve, ata që kanë nivel të ulët të kolesterolit, janë me rezistentë në shtrat. Ky zbulim është bërë nga një studim i vitit 2014 prej Universitetit Rutgers.

Modestia ndihmon dashurinë

Të qenët modest i rrit gjasat e gjetjes së një partneri. Ky zbulim është bërë nga një profesor i psikologjisë që arriti në përfundimin se personat preferojnë më tepër modestët, pasi u duken argëtues, miqësorë dhe të pëlqyeshëm. Një arsye tjetër përse njerëzit preferojnë modestët është fakti se ata duken më të gatshëm të falin gabimet e partnerit.

Femrat manipulojnë me zërin e ëmbël, meshkujt jo

Nëse një femër do diçka, ajo ka një armë të fshehtë, zërin seksi apo ledhatues. Studiuesit e Universitetit Albright kanë zbuluar se kur meshkujt përpiqen të bëhen më seksi duke përdorur zërin, kjo mund t’jua përkeqësojë situatën. E kundërta ndodh me femrat, që marrin atë që duan.

Kontrolli i lindjes ndikon në shijen e femrave për meshkujt

Kërkimet tregojnë se femrat që marrin kontraceptivë hormonalë tregojnë më pak tërheqje ndaj meshkujve me nivel të lartë testosteroni dhe me muskuj. Sipas studimit skocez, femrat që e njohën partnerin teksa merrnin pilulën, ishin më pak të tërhequra ndaj tij dhe e shijonin më pak seksin. Në të njëjtën kohë, ishin më të kënaqura me statusin financiar të partnerit dhe nuk dëshironin të ndaheshin.

Pas-seksi, po aq i rëndësishëm sa seksi

Nëse kërkoni të lini një përshtypje të mirë te partneri, kushtojuni rëndësi veprimeve që bëni pas seksit. Një studim i vitit 2014 nga Universiteti i Torontos ka zbuluar se puthjet, përkëdheljet dhe bisedat pas seksit e rrisin kënaqësinë e lidhjes po aq sa marrëdhënia seksuale.

Dashuria mund të na bëjë të fiksuar

Ja arsyeja përse nuk ndaloni dot së menduari për njeriun e veçantë të jetës suaj: skanimet e trurit tregojnë se kur dikush bie në dashuri në zonën e kënaqësisë në tru ka më tepër qarkullim gjaku, e njëjta zonë që është përgjegjëse për sjelljet e obsesivitetit.

Google+ Followers

Proudly Powered by Blogger.